ဆက်ဆံရေးတစ်ခုမှာ
တစ်ယောက်နဲ့တစ်ယောက် အပြန်အလှန်လေးစားတန်ဖိုးထားမှု( Mutual Respect )က မရှိမဖြစ် လိုအပ်ပါတယ်။
မိဘနှင့် သားသမီး၊ ဆရာနှင့် တပည့်၊ အလုပ်ရှင်နှင့် အလုပ်သမား၊ ခေါင်းဆောင်နှင့် ငယ်သား၊ လင်နှင့်မယား၊ ချစ်သူရည်းစား၊ မိတ်ဆွေသူငယ်ချင်း၊ ညီကိုမောင်နှမ၊ လုပ်ဖောက်ကိုင်ဖက် အချင်းချင်းတွေကြား Mutual Respect ထားကို ထားရပါမယ်။
ငါက မိဘပဲ သားသမီးကို လေးစားဖို့ လိုသလား.
ငါက ဆရာပဲ..ငါက အလုပ်ရှင်ပဲ..ငါက အိမ်ထောင်ဦးစီးပဲ၊ ငါက ခေါင်းဆောင်ပဲဆိုတဲ့ အတ္တတွေကြား Mutual Respect ပါးပါးလေးတောင် ရှိမထားဘူးဆိုရင် အဲဒီဆက်ဆံရေးဟာ တစ်နေ့တခြား ဆိုးသထက်ဆိုးလာတာကိုပဲ တွေ့ရမှာဖြစ်ပါတယ်။
မိသားစုတွေ မစည်းလုံးကြဘူး..ညီကိုမောင်နှမတွေ စိတ်ဝမ်းကွဲကြတယ်..လုပ်ဖော်ကိုင်ဖက် အချင်းချင်းတွေ မတည့်ကြဘူး..မိတ်ဆွေသူငယ်ချင်းတွေ အဆင်မပြေကြဘူး..လင်မယားတွေ မကြာမကြာ ရန်ဖြစ်ကြတယ်.. ချစ်သူရည်းစားတွေ ခဏခဏ စိတ်ဆိုးကြတယ်။
ဒါတွေရဲ့ အဓိက အကြောင်းအရင်းက
တစ်ယောက်နဲ့တစ်ယောက် အပြန်အလှန်လေးစားမှုမရှိခြင်းက စတင်တာပါပဲ..တစ်ဦးရဲ့စကားကို တစ်ဦးက မလေးစားဘူး..တစ်ဦးရဲ့ဆန္ဒကို တစ်ဦးက အသိအမှတ်မပြုဘူး..တစ်ဦးရဲ့ ခံစားချက်ကို တစ်ဦးက အလေးမထားဘူး။
တန်ဖိုးထားမှု၊ လေးစားမှု၊ အလေးထားမှုတွေကို လူကြီးတွေပဲ သိနားလည်ကြတာ မဟုတ်ဘူး။လူကြီးတွေပဲ ခံစားမိကြတာ မဟုတ်ဘူး..ကလေးငယ်လေးတွေက အစ နားလည်ခံစားတတ်ကြတယ်။ လေးစားမှုကို လိုချင်ကြတယ်။
တလောက fbပေါ် စာတစ်ပုဒ်တင်မယ်ဆိုပြီး ဖုန်း Galleryထဲကနေ စာနဲ့လိုက်ဖက်မဲ့ ပုံလေးတစ်ပုံ ရှာနေချိန် ၅နှစ်အရွယ် တူလေးတစ်ယောက်ထံမှ ဖုန်းဝင်လာတယ်..တူလေးက စကားအလွန်တတ်တော့
သူပြောချင်တာတွေကို တရစပ်ပြောနေတယ်..ကိုယ်ကလည်း ဖုန်းGalleryထဲမှာ အာရုံကရောက်နေတော့
သူပြောသမျှကို "အင်း..အင်း..အင်းအင်း.."လို့ပဲ လိုက်နေမိတော့တယ်။
ခဏကြာတော့ " တအင်းအင်းနဲ့ အဲဒါတွေ မကြိုက်တာပဲ..တော်ပြီ..တီတီနဲ့ ဖုန်းမပြောတော့ဘူး.."တဲ့.. ဖုန်းကို ချသွားလေရဲ့..အိမ်ကို နေ့တိုင်းဖုန်းခေါ်ပေမဲ့
အဲဒီနေ့ကစပြီး ဒီနေ့ထိ ကိုယ့်ဖုန်းကို မခေါ်တော့ဘူး။ ကလေးဆိုပြီး ကလေးတစ်ယောက်ရဲ့စိတ်ကို အထင်သေးမိတာ..မလေးမစား ဆက်ဆံမိတာလေ။
ကိုယ်တိုင်လည်း ခဏခဏ ကြုံဖူးပါတယ်..
အပြင်မှာပဲဖြစ်စေ ဖုန်းနဲ့ပဲဖြစ်စေ ကိုယ်ကစကားပြောနေတဲ့အခါ တစ်ဖက်က ကြားတစ်ချက် မကြားတစ်ချက်လုပ်နေတာ "အင်း အဲ" မလိုက်တာ..
အစောက ဘာပြောတာလည်း မေးခံရတာတွေလောက် စိတ်တိုတာ မရှိဘူး။
ဖုန်းခေါ်ရင် ပြန်မခေါ်တာ..စာပို့ရင် reply မပြန်တာ..
ဘာပဲပြောပြော အင်း..အင်း..လိုက်နေတာ..
တစ်ခုခု ခိုင်းထားရင် မေ့နေတာ..
တစ်ခါတစ်ခါဆိုရင်တော့ တစ်ခုခုကြောင့်ဆိုပြီး နားလည်ပေးလို့ရပေမဲ့ အခါခါဆိုရင်တော့
ဒါဟာ တစ်ဖက်လူအပေါ် လေးစားမှု မရှိတာပါပဲ။
ကိုယ်က အမှုမဲ့အမှတ်မဲ့ဆိုပေမဲ့ ကောင်းမွန်တဲ့ဆက်ဆံရေးတစ်ခုအတွက် အကြီးမားဆုံး ဆိုးကွက်ပါပဲ..ဆက်ဆံရေးတစ်ခု ရေရှည်ကောင်းမွန်ဖို့အတွက်ဆိုရင် Mutual Respect ထားပါ..
အပြန်အလှန် လေးစားပါ..အပြန်အလှန် ချစ်ခင်ပါ..အပြန်အလှန် တန်ဖိုးထားပါ.."သူ့နေရာမှာ ငါသာ"ဆိုတဲ့ ကိုယ်ချင်းစာစိတ် မွေးပါ ။
