ရည်းစားနဲ့ပြတ်တာထက်
ပိုပြီးကြေကွဲနာကျင်ရမဲ့ ဝတ္ထုတစ်ပုဒ်ပါပဲ။
" နွေတစ်ည " ဆိုတဲ့နာမည်အတိုင်း
ရင်ဘတ်ကြီးတစ်ခုလုံး ပူပြင်း
လောင်ကျွမ်းပြီး ငူငူငိုင်ငိုင်ကြီးကျန်ခဲ့ရတာ။
စာအုပ်အကြောင်းပြောရမယ်ဆိုရင်
ဆန်စက်မှာ စပါးသယ် အလုပ်ကြမ်း
လုပ်ရင်း အသက် ၁၅နှစ်မှာ
လင်နောက်လိုက်ခဲ့တဲ့ " ခင်ဝေ " နဲ့
သစ်တောအရာရှိလေး " မောင်ကိုကို " ရဲ့
ဘဝဇာတ်ခုံတစ်ခုပေါ်က ချစ်ခြင်းမေတ္တာတွေ၊
ပျော်ရွှင်မှုရဲ့နောက်ဆက်တွဲနာကျင်စရာတွေနဲ့
လောကဓံရဲ့တစ်ဆစ်ချိုးပြောင်းလဲမှုတွေ ၊
တအုံ့နွေးနွေးမျိုသိပ်ထားခဲ့ရတဲ့
မယုံကြည်မှုတွေနဲ့ တစ်စစအေးစက်ငြိမ်သက်
လာခဲ့တဲ့ အိမ်ထောင်ရေးတစ်ခုကိုမြင်တွေ့ရမယ်။
ချစ်ခြင်းတရားနဲ့ သံသယဖြစ်မှုတွေရဲ့
အားပြိုင်လွန်ဆွဲမှုတွေကို
အထင်းသားကြီး မြင်တွေ့ရတယ် ။
နောက်ဆုံး စာဖတ်သူဘက်က
ကျောခိုင်းထွက်ခွာသွားသူကို
အပြစ်မတင်ရက်နိုင်သလို
ကျန်ခဲ့ရသူအတွက်လဲ ဂရုဏာသက်ရင်း
သက်ပြင်းအရှည်ကြီးတွေချရင်းနဲ့ပဲ
တခုခုလစ်ဟာနေသလို
တငွေ့ငွေ့ လောင်မြိုက်နေသလို
ခံစားချက်ကြီးနဲ့ကျန်နေခဲ့ရမဲ့ ဝတ္ထုတစ်ပုဒ် ။
ဝတ္ထုထဲက အမည်နာမ၊
အဖြစ်အပျက်တစ်ချို့နဲ့
အပြင်လောကမှာ ခပ်ဆင်ဆင်
အမာရွတ်တွေ ရှိခဲ့ဖူးသူဆိုရင်တော့
တဘဝလုံး ဆွေးမြေ့သွားလို့ရနိုင်မဲ့
စာအုပ်တစ်အုပ်ပါပဲ ။ ။
