ကိုယ်ချစ်တဲ့ လူတယောက်ကို ဘယ်လောက်ထိ တန်ဖိုးထားသလဲဆိုတာ သူ့အတွက် ဘယ်လောက် အားစိုက်ထုတ် ကြိုးစားသလဲဆိုတာနဲ့ တိုက်ရိုက်အချိုးကျပါတယ်
မကြိုက်ဘူးလို့ ငြင်းလိုက်တဲ့အခါ နောက်တကြိမ် ထပ်မကြိုးစားကြည့်ဘဲ အလွယ်တကူ လှည့်ထွက်သွားတာဟာ တကယ်ချစ်တာ မဟုတ်ဘူး
တယောက်ကို တယောက်စိတ်ဆိုးနေတဲ့ အချိန်မှာ သူလည်း နေနိုင်သလိုနေ ကိုယ်လည်း နေနိုင်သလိုနေ မနေနိုင်တဲ့အခါ ပြန်ခေါ်လိမ့်မယ်ဆိုပြီး တွေးတာဟာ တကယ်ချစ်တာ မဟုတ်ဘူး
ပြတ်စဲခါနီး အခြေအနေတွေမှာ နောက်တကြိမ် အတူရှိနေနိုင်ဖို့ ထပ်မကြိုးစားတော့ဘဲ အလွယ်တကူ လက်လျှော့လိုက်တာဟာ အချစ်မဟုတ်ဘူး
ရရင်ယူလိုက်မယ် မရရင်မယူဘူး
အဆင်ပြေရင်တော့ ဆက်ချစ်မယ်
ခက်ခဲတာတွေ များလာတဲ့အခါလည်း လက်လျော့လိုက်မယ်ဆိုတာဟာ အချစ်မဟုတ်ဘူး
တကယ်သာ ဆုံးရှုံးသွားခဲ့ရရင်ဆိုပြီး တွေးကြောက်တတ်တဲ့သူတွေဟာ သူတို့ လိုချင်တဲ့အရာကို ပိုင်ဆိုင်ရဖို့ ထပ်ခါတလဲလဲ ကြိုးစားနေကြဦးမှာ အလွယ်တကူ လွှတ်မချဘူး
ကိုယ်ချစ်တဲ့ မိန်းကလေးအနားမှာ သူကိုယ့်အပေါ် လက်ခံလာအောင် ပြင်ဆင်နေထိုင်တာဟာ အားစိုက်ထုတ်မှုဖြစ်တယ်
စိတ်ကောက်နေတဲ့အချိန်မှာ သူစိတ်ဆိုးပြေအောင် သူကြိုက်တတ်တဲ့ အရာလေးတွေနဲ့ ငါဘယ်လို ချော့ရမလဲလို့ တွေးပြီး စီစဉ်နေတာဟာ အားစိုက်ထုတ်မှုဖြစ်တယ်
ပြတ်လုပြတ်ခင် အခြေအနေတွေမှာ တင်းပြီးသားကြိုးကို ထပ်မဆွဲတော့ဘဲ အသစ်ကပြန်စပြီး အကောင်းမွန်ဆုံးအရာတွေ ပြန်တည်ဆောက်ဖို့ စိတ်ဆန္ဒတွေ ပြင်းပြနေတာဟာ အားစိုက်ထုတ်မှုဖြစ်တယ်
မိန်းကလေးတွေ အလိုချင်ဆုံးက သူတို့ ချစ်သူ အမျိုးသားဟာ သူတို့အတွက်ဆို ဘယ်လောက် အားစိုက်ထုတ်ပြီး ကြိုးပမ်းကြသလဲ ဆိုတာပါပဲ
လက်ကလေးကို ခဏတာလောက် ခပ်ဖွဖွလောက် ဆုပ်ကိုင်ခွင့်ရဖို့အရေး မိုင်တွေ အများကြီးဝေးတဲ့နေရာကနေ တကူးတက လာခဲ့တာဟာ effort ပါ
နေမကောင်းတဲ့ ကိုယ့်ချစ်သူအတွက် စားမြိန်ဖွယ်ရာလေးတွေ တမနက်လုံး အချိန်ကုန်ခံ ချက်ပြုတ်နေပြီး ကိုယ်တိုင်ကိုယ်ကျ ခွံ့ကျွေးတာဟာ effort ပါ
စိတ်ဆိုးစိတ်ကောက်နဲ့ စကားမပြောဖြစ်ကြတဲ့အချိန် ဘယ်သူနဲ့ကြူနေမလဲလို့ သူ့ဘက်က တွေးနေတဲ့အချိန် ကိုယ်က သူ့ကိုချော့ဖို့ surprise တစ်ခုခု စီစဉ်နေတာဟာ effort ပါ
Effort ဆိုတာ စကားလုံးတွေနဲ့ တော်ကီကြွယ်ပြလို့ မရဘူး စိတ်ထဲက တကယ်မရှိဘဲ အပင်ပန်းခံပြီး ဟန်ဆောင်ပြလို့ မရဘူး
ကိုယ့်အတွက်နဲ့ ဘယ်လောက်ထိ အားစိုက်ထုတ်လဲ ဆိုတာ ကိုယ့်ကို ဘယ်လောက်ချစ်တာလဲဆိုပြီး မေးခွန်းထုတ်စရာမလိုတဲ့ သက်သေပြချက်တွေပါပဲ။
