MMA ပွဲတွေမှာ ပြိုင်ဘက်က ချက်ကောင်းထိပြီး လဲကျသွားတဲ့အချိန်မှာ လုံးဝ မညှာပဲ ဆက်တိုက် အဆက်မပြတ် ထိုးနှက်တိုက်ခိုက်တဲ့ သူမျိုးဆိုရင် တချို့ ပရိတ်သတ်တွေက အားကစားသမားကောင်း မပီသဘူး၊ လဲကျနေပြီး ဘာမှ မလုပ်နိုင်လောက်တော့တဲ့ ပြိုင်ဘက်ကို မညှာဘူးလို့ ထင်မိကောင်း ထင်ကြမှာပါ။
တကယ်တော့ လက်ဝှေ့၊ MMA စတဲ့ အတိုက်အခိုက် အားကစားက တချက်မှားလို့ မရဘူး။
ပြိုင်ဘက် ကို fair play ပုံစံလည်း သွားလုပ်လို့ မရဘူး၊ ပြိုင်ဘက် လဲကျသွားသည် ဖြစ်စေ၊ ဘယ်လို အခြေအနေမျိုး ဖြစ်ပါစေ .. ဒိုင်က ပွဲကို မရပ်တန့် သ၍ နိုင်ပွဲ လုံးဝ သေချာအောင် အဆက်မပြတ် တွဲလုံးတွေ နဲ့ ပွဲသိမ်းဖို့ လိုပါတယ်။
ဒီလိုမှ မဟုတ်ရင်တော့ ပွဲအပြီးမှာ အရှုံးသမားက ပြိုင်ဘက် မဟုတ်ပဲ မိမိကိုယ်တိုင် ဖြစ်နိုင်တာပါ။
ပူပူနွေးနွေးပြီးခဲ့တဲ့ UFC 300 ပွဲမှာ ဆိုရင် ဂျေလင်တာနာက ပြိုင်ဘက် မွိုင်ကာနိုကို ပထမ အချီမှာပဲ လဲကျသွားအောင် အားပါပြင်းထန်တဲ့ လက်သီးချက်နဲ့ အလဲထိုးချခဲ့ပါတယ်။
ဒီနောက်မှာတော့ တာနာက ဒိုင်က ပွဲကို ရပ်တန့်လိုက်မယ် အထင်နဲ့ လဲကျနေတဲ့ မွိုင်ကာနိုကို ညှာလိုက်ပြီး ဆက်တိုက် တွဲလုံးတွေ ဆက်မဝင်ခဲ့ပဲ distance ခွာပေးခဲ့ပါတယ်။
ဒါပေမယ့် ဒိုင်ကလည်း ပွဲကို မရပ်တန့်တဲ့ အခါမှာ မွိုင်ကာနိုက ပြန်ထပြီး ပြန်ထိုးသွားပါတယ်။
ဒီလိုနဲ့ ဒုတိယ အချီမှာ မွိုင်ကာနိုရဲ့ လက်ချက်နဲ့ ဂျေလင်တာနာက အရှုံးသမား ပြန် ဖြစ်သွားခဲ့တာပါ။
ပွဲအလှည့်အပြောင်းက ကြောက်စရာ ကောင်းပါတယ်။
လက်ထဲက သေချာပေါက် နိုင်ပွဲကနေ အရှုံးဖြစ်သွားတဲ့ တာနာအတွက် အင်မတန် ရင်နာစရာ ကောင်းတဲ့ အရှံးလို့ ဆိုပေမယ့် တိုက်ခိုက်ရေး MMA အားကစားမှာ ပြိုင်ဘက်ကို fair play လိုလို သွားလုပ်မိလို့ ကြီးကြီးမားမား ပေးဆပ်လိုက်ရတာလည်း ဖြစ်ပါတယ်။

Credit to Soe NaeThit