Carl ဆိုတဲ့ လူက ကိုယ့်ကိုကိုယ် အဆိုးမြင်တဲ့အပြင် အခြားသူတွေကိုလည်း ကြည့်မရတဲ့ လူတစ်ယောက်ဖြစ်ပါတယ်။ သူငယ်ချင်းတွေ လာခေါ်ရင်တောင် မလိုက်ဘဲ
သီးသန့်တစ်ယောက်တည်းနေရင်း အရာအားလုံးကို အဆိုးမြင်စိတ်နဲ့ ဖြတ်သန်းနေတဲ့ လူတစ်ယောက်ပါ။ သူကိုယ်သူလည်း အခြားသူတွေနဲ့ မပေါင်းသင်းတတ်သူလို့ ထင်နေတဲ့သူမလို့
အလုပ်မှာ အဆင်မပြေတဲ့အပြင် ပျော်စရာအချိန်ဆိုတာတောင် မရှိခဲ့တာကြာပါပြီ။ ဒါပေမဲ့ တစ်ရက်မှာတော့ ဟောပြောပွဲ တစ်ခုကို သွားနားထောင်ရင်း သူ့အတွက် လိုအပ်နေတဲ့
ကွက်လပ်လေးရဲ့ အဖြေကို တွေ့သွားပါတယ်။ အဲဒီအဖြေလေးအတိုင်းပဲ ကျင့်သုံးရင်း သူက လူတိုင်းနဲ့ ပေါင်းသင်းဆက်ဆံရေးမှာ တိုးတက် ကောင်းမွန်လာပြီး အလုပ်မှာလည်း
ရာထူးတွေပါ တိုးလာခဲ့ပါတယ်။ ကျင့်သုံးနေတဲ့အဖြေဟာ သူ့အတွက် အရာရာအဆင်ပြေလာပေမယ့် လက်တွေ့မှာ လိုအပ်ချက်လေးတွေ ရှိနေခဲ့ပါတယ်။
အဲဒီအဖြေက ဘာဖြစ်မလဲ... သူကရော ဘာလိုအပ်ချက်တွေ ရှိနေသေးတာလဲ... လိုအပ်ချက်တွေကို သူကိုယ်တိုင် ဖြည့်ဆည်းနိုင်မှာလား...
ဇာတ်လမ်းလေးကတော့ ကိုယ့်ကိုကိုယ် အဆိုးမြင်နေတဲ့သူတွေအတွက် ရလာတဲ့ အခွင့်အရေးတွေကို လက်မလွှတ်သင့်ကြောင်းကို ဟာသလေးနဲ့ ရောနှောပြီး ဖန်တီးတင်ဆက်ထားတဲ့
ရုပ်ရှင်လေးဖြစ်ပါတယ်။ တစ်ယောက်တည်း အထီးကျန် စိတ်ညစ်နေတယ်ဆိုရင် "Yes Man(2008)" ဆိုတဲ့ ရုပ်ရှင်လေးက လမ်းပြပေးနိုင်လိမ့်မယ်ဟု ယူဆပြီး စီးမျောခံစား
ကြည့်ရှုအပန်းဖြေနိုင်ဖို့ တင်ဆက်ပေးလိုက်ပါတယ်ခင်ဗျာ။
