နှစ်ပေါင်း ၉၉ သန်းက ကြမ်းပိုးလို သန်းမျိုးစိတ်သစ် တကောင်ရဲ့ ကျောက်ဖြစ် ရုပ်ကြွင်းကို မြန်မာနိုင်ငံက ပယင်းကျောက်တခုထဲမှာ ရှာတွေ့လိုက်တဲ့အကြောင်း အစ္စရေးနိုင်ငံ Hebrew တက္ကသိုလ်က ပညာရှင်တွေ ကြေညာတာကို The Jerusalem Post သတင်းစာမှာရေးသားထားပါတယ်။ ထူးခြားတဲ့ အရောင်အသွေးနဲ့ ပုံစံ ရှိတဲ့ ကြမ်းပိုးဟာ သားရဲ တိရစ္ဆာန်တွေရဲ့ ရန်က ကာကွယ်ရာမှာ သူ့ရဲ့ အရောင်တွေကိုအသုံးချတယ်လို့လည်း သိပ္ပံပညာရှင်တွေက ယုံကြည်ထားပါတယ်။
ဒီကြမ်းပိုးလို သန်းအမျိုးအစား မျိုးစိတ်သစ် ရုပ်ကြွင်းဟာ ဒိုင်နိုဆောခေတ်ကတည်းက ရှိခဲ့တာလို့ ဂျေရုဆလင်မှာရှိတဲ့ Hebrew တက္ကသိုလ် Alexander Silberman ကျောင်းက သုတေသီ Dolev Fabricant နဲ့ Steinhardt သဘာဝပြတိုက် ဒါရိုက်တာ Dr. Tanya (Tatiana) Novoselski က ပြောဆိုပါတယ်။
မြန်မာနိုင်ငံက ပယင်းကျောက်တွေထဲမှာ လွန်ခဲ့တဲ့နှစ်သန်းပေါင်းများစွာကတည်းက ရှင်သန်ခဲ့တဲ့ မျိုးစိတ်သစ် ရုပ်ကြွင်းတွေ တွေ့ရတယ်ဆိုတာကိုသိပ္ပံပညာရှင်တွေ မကြာခဏ ပြောဆိုကြေညာလေ့ရှိပါတယ်။ ၂၀၂၂ ခုနှစ်နှစ်ဆန်းကလည်း စစ်ကိုင်းတိုင်းဒေသကြီး၊ ခန္တီးမြို့က တူးဖေါ်ရရှိတဲ့ ပယင်းကျောက်ထဲမှာ နှစ်ပေါင်း သန်း ၁၁၀ ခန့်ကရှင်သန်ခဲ့ဖူးတဲ့ ကင်းလိပ်ချော မျိုးစိတ်သစ်တစ်မျိုးရဲ့ ရုပ်ကြွင်းကို ရှာတွေခဲ့တဲ့အကြောင်း သိပ္ပံပညာရှင်တွေပြောဆိုခဲ့ဖူးသလို၊ နှစ်သန်းရာချီက ရှိခဲ့တဲ့ မွေပေါက်လေးတကောင်နဲ့ ဒိုင်နိုဆော အမြီးလို ကြောက်ဖြစ်ရုပ်ကြွင်းတွေ တွေ့တဲ့အကြောင်း သတင်းတွေ ပြီးခဲ့တဲ့နှစ်ပိုင်းတွေက ပေါ်ထွက်ခဲ့ဖူးပါတယ်။

source - VOA