ငှက်ပျောသီးများတင်ဆောင်လာသည့်ကားမှ လက်နက်ခဲယမ်းများ ဖမ်းဆီးရမိ
******************
(မှုခင်း) မတ်လ ၆
ရန်ကုန်-မန္တလေးအမြန်လမ်း၊ မိုင်တိုင် ၂၈၁ မြို့ကွင်းလမ်း၊ အလည်ရွာကျေးရွာအုပ်စု၊ နွားစဥ်းငုတ်ကျေးရွာအနီးတွင် ယနေ့ နံနက်ပိုင်းက ငှက်ပျောသီးများ တင်ဆောင်လာသော မော်တော်ယာဥ်ပေါ်မှ လက်နတ်များ ဖမ်းဆီးရမိကြောင်း သိရသည်။တောင်ငူဘက်မှတဆင့် ငှက်ပျောသီးများ တင်ဆောင်လာသော မော်တော်ယာဥ်ဖြင့် လက်နက်များသယ်ဆောင်လာကြောင်း သတင်းအရ လုံခြုံရေး တပ်ဖွဲ့ဝင်များမှ ကြိုတင်စောင့်ဆိုင်းနေစဥ် ငှက်ပျောသီးများတင်ဆောင်လာသော မော်တော်ယာဥ်မှာ ရန်ကုန်-မန္တလေးအမြန်လမ်း၊ မိုင်တိုင် ၂၈၁ မြို့ကွင်းလမ်း၊အလည်ရွာကျေးရွာအုပ်စု၊ နွားစဥ်းငုတ်ကျေးရွာအနီးရောက်ရှိစဥ် လုံခြုံရေးတပ်ဖွဲ့ဝင်များမှစစ်ဆေးရန် တားဆီးခဲ့ရာ ရပ်တန့်ပေးခြင်းမရှိဘဲ မောင်းနှင်ထွက်ပြေးသဖြင့် လိုက်လံဖမ်းဆီးရာ ယာဥ်ပေါ်ပါ အမျိုးသား ၃ ဦးမှာ ထွက်ပြေးသွားခဲ့ကြောင်း သိရသည်။ထို့နောက် လုံခြုံရေးပူးပေါင်းအဖွဲ့မှ မော်တော်ယာဥ်အား စစ်ဆေးရာ မော်တော်ယာဥ်ပေါ် တွင် ပါရှိလာသည့် လက်နက်ခဲယမ်းများအား ဖမ်းဆီးရမိခဲ့ပြီး ထွက်ပြေးသွားသူ အမျိုးသား ၃ ဦးအား ဖမ်းဆီးရမိရေးလုံခြုံရေးအဖွဲ့များမှ ဆောင်ရွက်လျက်ရှိကြောင်း သတင်းရရှိသည်။




