ဒီဇာတ်ကားက ဖြစ်ရပ်မှန်ကို အခြေခံထားတဲ့ ရုပ်ရှင်တစ်ခုဖြစ်ပါတယ်။ဒါကြောင့်မလို့ တကယ့် အပြင်မှာပါ သူတစ်ကယ် ဒီလိုလုပ်ခဲ့တာပါလားလို့ တွေးမိရင်း အံ့ဩမှင်သက်ရစေမှာပါ။ဇာတ်ကားကတော့ အချစ် နဲ့ လူတစ်ယောက်ရဲ့ ယုံကြည်မှု၊မထင်ထားလောက်တဲ့ စွမ်းဆောင်ရည်တွေကို ရိုက်ပြထားတာမလို့ လူတိုင်း ကြည့်သင့်တဲ့ ရုပ်ရှင်တစ်ခုဖြစ်ပါတယ်။ဒါဆိုရင် ဇာတ်ညွှန်းလေးကို သွားလိုက်ရအောင်။
ညီအစ်ကိုနှစ်ယောက် တစ်ယောက်က ဟဲလ် နှင့် သူ့ညီက ဒေ့စ် (မှတ်မိအောင် အတိုကောက်လေးတွေပဲ ရေးလိုက်ပါမယ်)။သူတို့အဖေက ရှေ့တန်းစစ်သားကနေ အိမ်ပြန်လာတော့ အရင်လို မဟုတ်တော့ဘဲ သူ့သူငယ်ချင်းတွေ ဆုံးသွားလို့ သူ့ကိုယ်သူ မုန်းနေတဲ့သူတစ်ယောက်။ဒေ့စ်ကတော့ ဆေးရုံက သူနာပြုဆရာမလေးကို မြင်မြင်ချင်း သဘောကျပြီး လိုက်ပိုးပန်းတာကလည်း တကယ် ရိုမန်တစ်ဆန်ပြီး ကြည်နူးဖို့ကောင်းပါတယ်။
နောက်ပြီး ဒုတိယ ကမ္ဘာစစ်ဖြစ်တော့ စစ်ပွဲမှာ ဂျပန် နှင့် အမေရိကန်တို့လည်း ပါ၀င်ပါတယ်။ဟဲလ်က စစ်ထဲ ၀င်သွားတော့ ဒေ့စ်လည်း ဒီတိုင်းမနေတော့ဘဲ သူ့ပါ ဆေးတပ်သားအဖြစ် စစ်ထဲ ၀င်သွားပါတော့တယ်။ဒါပေမယ့် ဒေ့စ်မှာ ပြသာနာ တစ်ခုရှိပါတယ်။ဒေ့စ်က သူ့အဖေကို သနတ်နဲ့ ချိန်မိကတည်းက သူသေနတ်ကို တစ်သက်လုံး မကိုင်တော့ဘူးလို့ ဆူံးဖြတ်ထားတာပါ။ဒါကြောင့်မလို့ စစ်တပ်ထဲ၀င်တော့ စစ်သားက ေ/သနတ် ကိုင်ကို ကိုင်ရမှာဖြစ်ပေမယ့် ဒေ့စ်ကတော့ ငြင်းဆိုခဲ့ပါတယ်။စစ်တပ်ထဲက မထွက်ချင်သလို သေနတ်လည်းမကိုင်ချင်တာမို့ သူ့အတွက် ဒါက အတော်လေး ခက်ခဲတယ်ဆိုတာ ရုပ်ရှင်ကြည့်လိုက်ရင် အတိုင်းသားမြင်ရမှာဖြစ်ပါတယ်။ဒီလိုနဲ့ ဂျပန် နှင့် အမေရိကန်တွေ စစ်ဖြစ်နေတဲ့ ဟက်ဆော တောင်ကုန်းကို ရှေ့တန်းသွားရဖို့ ဖြစ်လာပါတော့တယ်။ဒေ့စ်ကတော့ သေနတ်မပါတဲ့ တစ်ဦးတည်းသော ဆေးတပ်သားပေါ့။ဂျပန်တွေက အဲ့မှာ ခြေကုပ်ယူထားတာမလို့ ဒေ့စ်တို့က ၀င်တိုက်ရမှာပါ။ဒီလိုနဲ့ တိုက်ပွဲတွေကြားထဲ သေနတ်မပါတဲ့ ဆေးစစ်တပ်သားတစ်ယောက် ဘယ်လိုများ အသက်ရှင်ဖို့ ကြိုးစားရုံးကန်ရမလဲ ၊စစ်ပွဲအလယ် အခြားသူတွေ အသက်တွေနုတ်နေတဲ့ အချိန်မှာ ကျွန်တော်က အသက်တွေ ကယ်တင်ပေးမှာဆိုတဲ့ ဒေ့စ်တစ်ယောက် ဘယ်လောက်ကြိုးစားပြီးလူတွေကို ကယ်တင်သွားမလဲဆိုတာကို ရင်သက်ရှုမောဖွယ်ကြည့်ရှုရမှာပါ။ဖြစ်ရပ်မှန်းဖြစ်တာမလို့ ကြည့်နေရင်း သူ့နေရာ၀င်ခံစားကြည့်လိုက်ရင်ကို သူလုပ်ခဲ့တာတွေက ဘယ်လောက်ခဲရင်းတယ်ဆိုတာ မြင်တွေ့ရမှာပါ။
ဒါကြောင့် လူတိုင်း ကြည့်သင့်တဲ့ ရုပ်ရှင်တစ်ခုဖြစ်တဲ့ "Hacksaw Ridge" ရုပ်ရှင်ကို ကြည့်ဖို့ တိုက်တွန်းလိုက်ပါတယ်ခင်ဗျာ။
