❝ ပြည့်စုံတယ်ဆိုတာမရှိဘူး
ပြည့်စုံအောင်မလုပ်နဲ့
သဘာ၀အတိုင်းပဲနေလိုက်
ဖြစ်ချင်တာသာဖြစ်ပလိုက် ❞
ဒီနေ့အတွက် ဇာတ်ကားကတော့ IMDB 8.8 အထိရရှိထားတဲ့ မင်းသား Brad Pitt နှင့် Edward Norton တို့ရဲ့ ရုပ်ရှင်တစ်ခုဖြစ်ပါတယ်။မင်းသားတွေရဲ့ သရုပ်ဆောင်ကောင်းချက်တွေကြောင့်ပဲ ဒီဇာတ်လမ်းထဲကို ကိုယ်တောင်မသိလိုက်ဘဲ စီး၀င်သွားမှာဖြစ်ပါတယ်။
ဇာတ်လမ်းကတော့ ပျင်းစရာကောင်းတဲ့ ဘ၀တစ်ခုကို ပိုင်ဆိုင်ထားတဲ့ ၀န်ထမ်းတစ်ယောက် အပျော်တမ်း ထိုးပွဲတစ်ခုလုပ်ရာကနေ ဂိုဏ်းတစ်ခုဖြစ်လာတဲ့ ပုံစံကို ရိုက်ကူးပြသထားပါတယ်။ဒီလိုပြောလို့ ထိုးကြကြိတ်ကြတဲ့ ဇာတ်လမ်းလည်းမဟုတ်ပါဘူး။အဲ့တာထက် အများကြီးလေးနက်ပြီး ကျယ်ပြန့်တဲ့ plot နဲ့ တည်ဆောက်ထားတဲ့ရုပ်ရှင်ဖြစ်ပါတယ်။ဇာတ်ညွန်းကတော့ ဒါပါပဲ။ကျွန်တော်တို့ဒီဇာတ်လမ်းကို နားလည်အောင် ရေးပြဖို့ ခက်သလို အခြား အဓိပ္ပာယ်တစ်ခုလည်း ဖြစ်သွားနိုင်ပါတယ်။ရုပ်ရှင်ထဲမှာ စဉ်းစားလို့မကုန်နိုင်တဲ့အတွေးအမြင်တွေ ၊ dialogue တွေဆိုဟာလည်း အများကြီးပါတာမလို့ ကောင်းတယ်ဆိုတာထက်တောင် ပိုတဲ့ ရုပ်ရှင်တစ်ခုဖြစ်ပါတယ်။
