2004 ခုနှစ်က ထွက်ရှိခဲ့တဲ့ Tom Hank ရဲ့ ဇာတ်ကားကောင်းတစ်ကားကို ဒီနေ့မှာ ညွှန်းချင်ပါတယ်။
နာဗော်စကီအဖြစ် Tom Hank နဲ့ အစ်မလီယာဂျိန်းဝါရင်အဖြစ် မင်းသမီးချောလေး Catherine Zetaတို့အဓိက ပါဝင်ထားပါတယ်။
ခရာကိုဇီယာနိုင်ငံငယ်ကနေ အမေရိကန်လေဆိပ်ကို New York မြို့ကိုရောက်လာခဲ့ပါတယ်။ သူ လေဆိပ်ရောက်နေတုန်းမှာပဲ
သူ့နိုင်ငံမှာ အာဏာသိမ်းမှုဖြစ်ပွားခဲ့ပြီးတော့ နိုင်ငံကူးလတ်မှတ်အကုန်လုံးကို ပိတ်ချလိုက်ပါတယ်။ နာဗော်စကီတစ်ယောက် ကိုယ့်နိုင်ငံ
ကိုလည်း ပြန်လို့မရတော့သလို အမေရိကန်ဘက်ကလည်း သူ့ နိုင်ငံကူးလက်မှတ်က အကျုံးမ၀င်တော့လို့၀င်ခွင့်မပေးပါဘူး။ ဒီလိုနဲ့
နိုင်ငံပျောက်သွားတဲ့ နာဗောစကီ လေဆိပ်မှာပဲ သောင်တင်နေခဲ့ပြီးတော့ ဒီလေဆိပ်ထဲမှာပဲ တွေ့ခဲ့ရတဲ့ အခက်အခဲတွေ
အတွေ့အကြုံသစ်တွေကို ဇာတ်အိမ်တည်ထားတဲ့အတွက် အခြားဇာတ်ကားတွေနဲ့ မတူဘဲ ကွဲထွက်နေပါတယ်။
New York ကိုသူ့အဖေကို ပေးခဲ့တဲ့ ကတိတစ်ခုကြောင့် လာခဲ့သူ ဖြစ်ပေမဲ့ အခြေအနေအရ လေဆိပ်က သူ့အိမ်လို ဖြစ်သွားပြီးတော့
တစ်ယောက်တည်းလေဆိပ်ထဲမှာ ဘယ်လိုဖြတ်သန်းရမလဲဆိုတာကတော့ စိတ်၀င်တစားနဲ့ ကြည့်ရမှာပဲ ဖြစ်ပါတယ်။ အင်္ဂလိပ်လိုလည်း
ကောင်းကောင်းမပြောတတ်ရှာတဲ့ နာဗောစကီဟာ အစားအစာ ဝယ်စားဖို့ကအစ အခက်တွေ့ခဲ့ရပါတယ်။ လေဆိပ်ထဲမှာတင် သောင်တင်နေတဲ့
နာမော်စကီကိုလေဆိပ်က အရာရှိတွေကလည်း ဆက်ပြီးမနေစေချင်တဲ့အတွက် အမေရိကန်ထဲကို တရားမ၀င် ၀င်အောင်လုပ်ပေးချင်ပေမယ့်လည်း
နာဗော်စကီကတော့ New York ကို တရား၀င် သွားရဖို့ လေဆိပ်ထဲမှာပဲ လပေါင်းများစွာ မပျင်းမရိ စိတ်ရှည်ရှည်နဲ့ စောင့်နေခဲ့တာပါ။
ဒီလိုအတောအတွင်း လေယာဉ်မယ် ဝါရင် ဆိုတဲ့ ကောင်မလေးတစ်ယောက်နဲ့အမှတ်မထင်ဆုံခဲ့ပြီး သဘောကျသွားတာမလို့ လိုက်ပိုးပန်းတဲ့
ပုံစံလေးတွေကိုလည်း ရယ်စရာအဖြစ်အပျက်လေးတွေအဖြစ်နဲ့ ခင်းကျင်းထားပါသေးတယ်။ ဒီလိုဒုက္ခအကြပ်အတည်းမျိုးစုံကြားထဲမှာပဲ
သူငယ်ချင်းတွေလည်း ရခဲ့ပြီး လေဆိပ်တစ်ခုလုံးနဲ့ပါ ခင်မင်သိကျွမ်းလာပါတယ်။ ဇာတ်ကားပုံစံက ရယ်မြူးပျော်ရွှင်စရာ ချစ်ခင်နှစ်သက်စရာ
ဝမ်းနည်းစရာ ကြည်နူးစရာ ရသမျိုးစုံနဲ့ ဇာတ်အိမ်ခင်းထားတာဖြစ်လို့ ရိုးအီပျင်းရိစရာကောင်းတဲ့ အချိန်ဆိုတာ မရှိသလောက်ကိုနည်းပါပဲ။
အင်္ဂလိပ်စာလေ့လာလိုသူများအတွက်လည်း ဆရာတွေ ညွှန်းလေ့ရှိကြတဲ့ ဇာတ်ကားဖြစ်တဲ့အတွက် နဗော်စကီတစ်ယောက် လေဆိပ်မှာ သူတွေ့ခဲ့တဲ့
မိန်းကလေးနဲ့ရော ဆုံဆည်းနိုင်သွားမလား...သူတကယ်ပဲ လေဆိပ်ကနေ New York မြို့ကို သွားနိုင်ခဲ့မှာလား၊ သူ့အဖေကို ပေးခဲ့တဲ့ကတိကိုရော
တည်နိုင်ခဲ့မှာလားဆိုတာကို စိတ်၀င်တစားကြည့်ရဖို့ The Terminal ဆိုတဲ့ ဇာတ်ကားကောင်းလေးကို ညွှန်းပေးလိုက်ပါတယ်။
