ရိုမန့်တစ်ချိုချိုလေးတွေနဲ့ ကြည်နူးချင်တဲ့သူတွေကို တရုတ်အချစ်ကားလေးတစ်ကားကို ဒီနေ့အတွက် ညွှန်းပေးချင်ပါတယ်။
15 နှစ်တာလုံး မိန်းကလေးတစ်ယောက်တည်းကိုပဲ နှစ်နှစ်ကာကာ ချစ်ခဲ့တဲ့ ကောင်လေးတစ်ယောက်အကြောင်းကို အဓိက ဇာတ်အိမ်တည်ထားတဲ့
My Love ဆိုတဲ့ တရုတ်အချစ်ကားလေးပဲဖြစ်ပါတယ်။

အထက်တန်းကျောင်းသားဘ၀မှာ စာကလွဲပြီး အကုန်စိတ်၀င်စားတဲ့ ကျိုးရှောင်ချီ။ သူအတွက် ရန်ဖြစ်ရတာလည်း ပျော်စရာလိုဖြစ်နေပြီး ရုံးခန်းဆိုတာကလည်း
အစိမ်းသက်သက်နေရာ မဟုတ်တော့ပါဘူး။တစ်နေ့ သူတို့ကျောင်းကို ယိုယုံစစ် လို့ခေါ်တဲ့ အထက်တန်းကျောင်းသူလေး ကျောင်းပြောင်းလာခဲ့ပါတယ်။ ကျိုးရှောင်ချီလည်း
မြင်မြင်‌ချင်း သဘောကျသွားခဲ့ပါတယ်။သူတင်မက တစ်ကျောင်းလုံးက ကောင်လေးတွေလည်း ချစ်စရာကောင်းတဲ့ ယိုယုံစစ်ကို သဘောကျနေကြတာပေါ့။
ကျိုးရှောင်ချီက ယိုယုံစစ်ကိုစတွေ့တဲ့နေ့ကတည်းက သူနဲ့အတူနေဖို့ပဲ တစ်ချိန်လုံး စဉ်းစားနေတော့တာပါပဲ။ ကျိုးရှောင်ချီက ယိုယုံစစ်နောက်ကို တကောက်ကောက်
လိုက်နေတော့ သိပ်မကြာမှာပဲ ခင်မင်ပြီး သူငယ်ချင်းတွေဖြစ်သွားပါတယ်။ အချစ်ကံခေစွာနဲ့ပဲ သိပ်မကြာခင် ယိုယုံစစ်ဟာ အခြားမြို့ကို ရုတ်တရက်ပြောင်းသွားခဲ့ရပါတယ်။

ကျိုးရှောင်ချီလည်း သူချစ်ရတဲ့ ကောင်မလေးမရှိတော့လို့ စိတ်ဓာတ်ကျနေခဲ့ပါတယ်။ နှစ်အနည်းငယ်ကြာတော့ ယိုယုံစစ်က အနုပညာ တက္ကသိုလ်တက်နေတာကို
သိသွားပါတယ်။ အထက်တန်းမပြီးသေးတဲ့ ကျိုးရှောင်ချီကတော့ အဲနေ့ကတည်းက အနုပညာတက္ကသိုလ်တက်ရဖို့အရေး စာမှ စာဖြစ်သွားပါတယ်။ ဒီလိုနဲ့ တက္ကုသိုလ်မှာ
ထပ်တွေ့ကြပေမယ့် ယိုယုံစစ်မှာ ကောင်လေးရှိနေပါပြီ။ ယိုယုံစစ်ရဲ့ ချစ်သူဟာ အခြားကောင်မလေးတွေနဲ့ရှုပ်နေတာကို ကျိုးရှောင်ချီကပြောပြရင်း သူတို့နှစ်ယောက်
စကားများခဲ့ကြပါတယ်။ အဲဒီနောက်တော့ သူတို့တွေ ထပ်မတွေ့ကြတော့ပါဘူး။ ကျိုးရှောင်ချီကတော့ ယိုယုံစစ်ကို တစ်ရက်မှ မေ့မရပါဘူး။ နောက် ဘွဲ့ရပြီးကြတော့
ကျိုးရှောင်ချီတစ်ယောက် ယိုယုံစစ်ကို ရိုက်ကွင်းတစ်ခုမှာ ထပ်တွေ့ပြန်ပါတယ်။
ဒီတစ်ခါမှာတော့ သူတို့နှစ်ယောက် ဆက်ဆံရေးက အရင်လိုပြန်ဖြစ်လာမှာလား...‌
ကျိုးရှောင်ချီ အမြဲတမ်း စိတ်ကူးယဉ်နေမိသလို ယိုယုံစစ်နဲ့ တသက်လုံး နေနိုင်မလားဆိုတာ...