လေယာဉ်နဲ့ခရီးသွားမယ်ဆိုရင် ဒါလေးတွေမယူသွားမိဖို့ သတိထားကြနော်
၁. ဓ ါး၊ နဲ့အခြားချွန်ထက်တဲ့လ က် န က်များကို အထူးတင်းကြပ်ပါတယ်။
၂. 100mlထက်ပိုတဲ့အရည်၊ဘူးများ - သောက်ရေ၊သောက်ဆေးရည်၊ အရက်၊ဝိုင်၊အချိုရည်စတဲ့အရည်တွေကို 100mlထက်မပိုရင် ကိုယ်နဲ့မကွာယူသွားမယ့်အိတ်ထဲ ထည့်ယူလို့ရတယ်ဆိုပေမဲ့ အရည်၊ Gel၊ aerosol အမျိုးမျိုးကို သယ်ဆောင်ခွင့်မပြုထားပါဘူး
၃. ချွန်ထက်သောပစ္စည်းများ - ကပ်ကြေး၊ ဘလိတ်ဓါးနဲ့ အခြား ချွန်ထက်ပြီး ညှပ်၊ဖြတ်နိုင်တဲ့ ပစ္စည်းများကို ကိုယ်နဲ့အတူတူယူသွားလို့မရပေမဲ့ checked baggage ထဲမှာတော့သယ်သွားလို့ရပါတယ်။
၄. အချို့အားကစားပစ္စည်းများ - ဘေ့စ်ဘောရိုက်တံ၊ ဂေါက်ရိုက်တံ၊ ဟော်ကီရိုက်တံတို့လို တုတ်တွေ၊ သိုင်းကစားပစ္စည်းတွေကို အကြောင်းပြချက်ကောင်းကောင်းမရှိဘဲ သယ်သွားမယ်ဆိုရင်တော့ ပြဿနာတက်နိုင်ပါတယ်။
၅. အန္တရာယ်ရှိပစ္စည်းများ - အရောင်ချွတ်ဆေး(bleach)၊ ဂတ်စ်မီးခြစ်၊ ဓာတုဗေဒပစ္စည်းများသယ်ဆောင်ခွင့် မရပါဘူး။
၆. ပေါက်ကွဲစေနိုင်သော၊ မီးလောင်လွယ်သောပစ္စည်းများ - ဗျောက်အိုး ၊ မီးရှူးမီးပန်း၊ အချက်ပြမီးကျည်၊ လောင်စာရည်စတဲ့အရာများကို သယ်သွားလို့မရပါဘူး။
၇. Self-defense ပစ္စည်းများ - ငရုတ်စပရေး၊ ကျင်စက်စတဲ့အရာတွေ အများအားဖြင့်နိုင်ငံပေါ်မူတည်ပြီးတော့ယူလို့မရပါဘူး။
၈. စိုက်ပျိုးရေးနှင့်ဆက်စပ်ပစ္စည်းများ - နိုင်ငံအတော်များများက အသီးအနှံတွေ၊အသားငါး၊ မျိုးစေ့တွေစတာတွေကိုယူသွားလို့မရပါဘူး။ ကိုယ့်တစ်ကိုယ်စာစားဖို့ သယ်သွားလို့ရပေမဲ့ အများကြီးသယ်သွားမယ်ဆိုရင် အခြောက်အခြမ်းဖြစ်နေဖို့လိုပါတယ်(ဒါတောင်နိုင်ငံအေပါ်မူတည်ပြီးဥပဒေအမျိုးမျိုးကွဲလို့ ကိုယ့်သွားမဲ့နိုင်ငံကသယ်ရမရအရင်လေ့လာသင့်ပါတယ်။) အစိုကတော့လုံးဝသယ်သွားလို့မရပါဘူး
တစ်ခါတစ်လေ လေကြောင်းလိုင်းနဲ့ နိုင်ငံပေါ်မူတည်ပြီးတော့ စည်းမျဉ်းတွေ ကွဲပြားနိုင်တာကြောင့် လေယာဉ်ပေါ်သို့ သယ်ဆောင်ခြင်းမပြုရန် တားမြစ်ထားတဲ့ Up-to-date အချက်အလက်များအတွက် သက်ဆိုင်ရာလေကြောင်းလိုင်းနှင့် သက်ဆိုင်ရာ အာဏာပိုင်များနှင့် စစ်ဆေးဖို့ အရေးကြီးပါတယ်နော်
