နှင်းဆီဖြူပုံပြင် * ပုညခင်
" အချစ်ဆိုတာ ဘာနဲ့ပေါင်းရင် ဘာရတယ်ဆိုပြီး
အီကွေးရှင်းချပြီး အဖြေရှာလို့ရတာမှ
မဟုတ်ဘဲ ချစ်ခြင်းမှာ တည်မြဲတဲ့ပုံသေနည်း
ရှိလို့လား "
သုံးပွင့်ဆိုင်လူငယ်ဇာတ်လမ်းလေးတစ်ပုဒ်။
အမြဲဗရုတ်ကျပြီး တခြားသူတွေကို စနောက်တတ်တဲ့ ငွေ ဆိုတဲ့ ကောင်မလေး ။
ဝန်ထမ်းတွေကို အမြဲချိုသာပြီး လွတ်လွတ်လပ်လပ်နေတတ်တဲ့ သတိလည်း အမြဲမေ့တတ်တဲ့ သတိုး ။
စည်းကမ်းကြီးပြီး စမတ်ကျကျနေတတ်တဲ့
အဂ္ဂါ ။
စနောက်တတ်တဲ့ ငွေ ဟာ သတိုး နဲ့ အဂ္ဂါရဲ့ ကုမ္ပဏီမှာ ဆင်းရဲချင်ယောင်ဆောင်ပြီး အလုပ်သွားလုပ်ရာက စခဲ့တဲ့ ပုံပြင်လေးတစ်ပုဒ်ပေါ့ ။
ပေါ့ပေါ့ပါးပါးနေတတ်တဲ့ သတိုး နဲ့ ငွေက
အတွဲညီပေမဲ့ ခပ်တည်တည်နေတဲ့ အဂ္ဂါနဲ့တော့ ဘယ်လိုမှ မတည့်ခဲ့ဘူး ။
ဆင်းရဲတဲ့ကောင်မလေး အဖြစ် ငွေက ဘယ်လိုတွေ ဟန်ဆောင်ပြီး လန်ကြုတ်ဇာတ်လမ်းလုပ်မှာလဲ ။
တကယ်တော့ အချစ်ဆိုတာ မထင်တာတွေ ဖြစ်လာတာပဲ မဟုတ်လား ။
ငွေ့ကို တိတ်တိတ်လေး ခိုးချစ်ခဲ့ရတဲ့ သတိုး ။
ဒါပေမဲ့ ငွေချစ်တာက အဂ္ဂါတဲ့လေ ။
သတိုးရဲ့ သဝန်တို မနာလိုမှုတွေကို မြင်ရသလို အချစ်ကြောင့် ခံစားရတဲ့ နာကျင်မှုတွေကိုလည်း မြင်ခဲ့ရတာပေါ့ ။
နှင်းဆီဖြူလေးကို ငွေ့ခေါင်းထက်မှာ ပန်ဆင်ပေးချင်ခဲ့ပေမဲ့ ကံကြမ္မာက ပေးခွင့်မသာခဲ့ ။
ငွေ့လက်မှာကိုင်မဲ့ မင်္ဂလာပန်းစည်းအဖြစ်နဲ့တော့ ပေးခွင့် ရှိမယ်မဟုတ်လား ။
သတိုး ရယ် အဂ္ဂါ ရယ် နောက်ပြီးတော့ ငွေ ရယ် ။
နှင်းဆီအဖြူလေးတစ်ပွင့် ရယ် ။
အနီကလေးတစ်ပွင့် ရယ် ။
#နှင်းဆီဖြူပုံပြင်
#ပုညခင်
