အတိတ်ကိုမေ့လို့မရတဲ့ အချစ်ရဲ့နာကျင်မှု – Past Lives (2023)
"Past Lives (2023)" ဟာအချစ်နဲ့အတိတ်ကြားမှာ ချုပ်ကပ်နေတဲ့ လူနှစ်ဦးရဲ့ ဝမ်းနည်းစရာ ခရီးလမ်းကို ပြသထားတဲ့ ဇာတ်လမ်းတစ်ပုဒ်။ ကျွန်တော်တို့တွေဟာ အကြောင်းတစ်ခုခုကြောင့်အချစ်ဦးတွေနဲ့လွဲကြစမြဲပဲမလား။ တစ်ခါတစ်ရံ အချစ်ဦးဟာဘဝတစ်ခုလုံးမှာအဆုံးမရှိသလို သက်တမ်းရှည်နိုင်တတ်တယ်၊ ဒါပေမယ့် တစ်ခါတစ်ရံ ကံကြမ္မာလွှဲတစ်ခုအနေနဲ့ ပြန်ပေးတတ်တာကိုလည်း ကျေနပ်ပြီးလက်ခံတတ်ရပါတယ်။ အချစ်ဦးဆိုတာပြီးခဲ့တဲ့ဘဝတွေကနေ ဆက်လာတဲ့သံယောဇဉ်တစ်ခုဖြစ်တတ်တယ်ဆိုတဲ့ခံစားချက်ကို ဒီဇာတ်ကားကမှာမြင်တွေ့ရမယ်။ ကျွန်တော်တို့အကုန်လုံးသိပြီးသားဖြစ်မှာပါ အချစ်ဦး First Love ဆိုတာမျိုးကသွေးသားတွေထဲမှာနေရာယူပြီး ကိုယ့်ဘဝရဲ့အဆုံးထိတစ်စိတ်တစ်ပိုင်းလိုက်လာတတ်ကြတယ်ဆိုတာ။ တခြားသူတစ်ယောက်ခဏတာရှိနေချိန်မှာတော့မေ့ကောင်းမေ့နိုင်ပေမယ့် မရှိတော့တဲ့အချိန်မှာဆိုရင်တော့ကိုယ့်ရဲ့ အချစ်ခဲ့ရဆုံးအချစ်ဦးကိုသတိရစမြဲဆိုတာကတော့လူတိုင်းနားလည်ကြမှာပါ။
"What if this is a past life as well and we are already something else in our next life?"
" ဒီဘဝကသာငါတို့ရဲ့အတိတ်ဘဝဖြစ်နေခဲ့ရင် နောက်ဘဝမှာတော့ ငါတို့တွေအကြောင်းတစ်ခုခုနဲ့ ထပ်ပြီးတွေ့ဆုံကြဦးမှာမလား "
