အသုံးချသွားကြတဲ့အခါ
============
စေတနာကို
စော်ကားသွားကြတဲ့အခါ
ကိုယ့်စေတနာနဲ့ကိုယ် ဒေါသမဖြစ်ပါနဲ့
ယုံကြည်မှုကို
အလွဲသုံးစားလုပ်ကြတဲ့အခါ
ကိုယ့်ယုံကြည်မှုနဲ့ကိုယ် စိတ်မနာပါနဲ့
ရိုးသားခြင်းကို
အသုံးချသွားကြတဲ့အခါ
ကိုယ့်ရိုးသားခြင်းနဲ့ကိုယ် မပျက်စီးပါနဲ့
တစ်ချို့သော လူတွေကြောင့်
ကိုယ့်က ပေးဆပ်လိုက်သမျှတွေဟာ
သဲထဲရေသွန်သလို အလဟဿ တန်ဖိုးမဲ့သွားတဲ့အခါ
ကျေအောင်ပြန်ပေးဆပ်လိုက်ရတဲ့ ဝဋ်ကြွေးတွေလို့
သွေးအေးအေးလေးနဲ့ ခံယူနေရမှာဖြစ်တယ်
လောကမှာ
လူဆိုတာ ကိုယ့်ဘဝတန်ဖိုးကို ကိုယ်တိုင်မြှင့်နေသလို
ကိုယ့်ဘဝတန်ဖိုးကို ကိုယ်တိုင်သာနိမ့်ကျနေအောင်
ပြုလုပ်နေကြတာပါပဲ သင့်ဘဝမှာ ဘယ်လိုလူတွေက
အသုံးချသွားကြတဲ့အခါ ဒေါသမဖြစ်ပါနဲ့ စိတ်မနာပါနဲ့
သင့်ဘဝကိုယ်သင် သင်ကိုယ်တိုင် ပျက်စီးအောင်
မဖျက်ဆီးမိပါစေနဲ့ ချစ်ခြင်းမုန်းခြင်း အဆိုးအကောင်းတွေနဲ့
တွေ့ဆုံကြုံနေရမယ့် ရေစက်ရှိတဲ့လူတိုင်းအပေါ်
စေတနာထားပါ ယုံကြည်နားလည်ပေးလိုက်ပါ
ရိုးသားစွာရှင်သန်လိုက်ပါ သင်ဟာ လောကထဲမှာ
လူပီသတဲ့လူသားတစ်ယောက်သာ ဖြစ်တည်နေပါလိမ့်မယ်။
#crd_
