တ-ရုတ်က လျှပ်စစ်ဓါတ်အား ထုတ်လုပ်ပေးတဲ့ ကမ္ဘာ့ အကြီးဆုံး Wind Turbine ကို တည်ဆောက်
=======================================================
ကမ္ဘာကြီး ပျက်ဆီးတာကို လျှော့ချဖို့အတွက် နေရောင်ခြည်နဲ့ လေလို သန့်ရှင်းတဲ့ စွမ်းအင်တွေကို အသုံးပြုဖို့ကြိုးစားနေကြပါတယ်။
အခုတော့ တ-ရုတ်က လျှပ်စစ်ဓါတ်အား ထုတ်လုပ်ပေးတဲ့ ကမ္ဘာ့ အကြီးဆုံး Wind Turbine ကို တည်ဆောက်လိုက်ပါတယ်။ Wind Turbine ရဲ့ ဧရိယာဟာ ၅၇,၂၅၆ စတုရန်းမီတာ ရှိပြီး ဘောလုံးကွင်း ၁၁ ကွင်းစာလောက် ရှိပါတယ်။ ဒလက်တွေဟာ ၁၃၁ မီတာ ရှည်လျားပြီး ဘောလုံးကွင်း တစ်ကွင်းစာလောက် ရှိပါတယ်။
နှစ်စဉ် နေအိမ် ၁၆၀,၀၀၀ အတွက် လုံလောက်တဲ့ လျှပ်စစ် ဓါတ်အားကို Wind Turbine က ထုတ်လုပ်ပေးနိုင်ပါတယ်။ သက်တမ်း ၂၅ နှစ်ကနေ ၃၀ နှစ်အထိ အသုံးပြုနိုင်အောင် ဒီဇိုင်းထုတ်ထားပါတယ်။ သယ်ယူပို့ဆောင်ဖို့ လွယ်ကူအောင် ပေါ့ပါးတဲ့ ဒီဇိုင်းကို အသုံးပြုထားပါတယ်။ ပေါ့ပါးပေမယ့် ကြံ့ခိုင်မာကျောအောင် တည်ဆောက်ထားပါတယ်။
တ-ရုတ်ရဲ့ Sany Renewable Energy က Jilin ပြည်နယ်မှာ Wind Turbine ကို တည်ဆောက်ထားတာ ဖြစ်ပြီး စွမ်းဆောင်ရည်ကို နောက်နှစ်မှာ အကြိမ် ၂,၀၀၀ နီးပါး စမ်းသပ်မှာ ဖြစ်ပါတယ်။