ဒီလူက ဒီလောကထဲကို စအခြေချကတည်းက
ခေတ်နဲ့ယှဥ်ဘောင်တန်းပြီး ခေတ်ရှေ့ပြေးတဲ့ အကြောင်းအရာတွေကို လူငယ်ဆန်ဆန် ခေတ်မှီမှီ
တင်ပြတတ်တဲ့ လူမျိုးဖြစ်တယ် ။
ဒီလိုလူတစ်ယောက်ရဲ့ ပထမဆုံး စာအုပ်ထဲမှာ
ဘယ်လို အကြောင်းအရာတွေပါမလဲဆိုတာတော့
ဖတ်ကြည့်ကြတာပေါ့ ....
ငယ်တုန်းမှာ ရည်းစားမထားနဲ့လို့ လူကြီးမိဘ တော်တော် များများက ဆုံးမကြတယ် ။ ကျွန်တော့်ရဲ့ အတွေ့အကြုံအရလည်း အသက်ကြီးလာလေ ပိုမိုကောင်းမွန်ပြီး Quality ပိုမြင့်တဲ့ မိန်းကလေးတွေနဲ့ တွေ့လာလေပဲ ။ ဒါပေမဲ့ တစ်ချိန်တည်းမှာ မကောင်းတာ တစ်ခုက အဲ့ဒီလို Quality ပိုမြင့်တဲ့ မိန်းကလေးတွေကလည်း ပိုပြီး စဉ်းစားတတ်ကြတယ် ။ အချစ်တစ်ခုတည်းအတွက် စဉ်းစားတာမျိုး မဟုတ်တော့ဘူး ။ ငယ်တုန်းရွယ်တုန်းမှာက ကျွန်တော်တို့ရဲ့စိတ်ထားတွေက ဖြူနုသန့်ရှင်းတယ် ။ ကိုယ့်ချစ်သူက ဘယ်လောက်ချမ်းသာ လို့. . . ဘာကောင်ကြီးမို့လို့ဆိုတာမျိုးထက် သဘောကျလို့ ချစ်လို့ဆိုတာနဲ့ပဲ ဖြူစင် သန့်ရှင်းစွာ ချစ်တတ်ကြတယ် ။ သူ့အိမ်အနေအထားတို့ ၊ သူ့အဆင့်အတန်းတို့ ၊ သူ့ပညာအရည်အချင်းတို့. . . ဒါတွေက အဓိက မဟုတ်ဘူး ။ အချစ်က အဓိက ။ အသက်ရလာတဲ့အချိန်မှာတော့... ကိုယ်တိုင်ကလည်း တခြားသူကို ချစ်သူ ရည်းစားထားမယ်ဆိုပြီး . . . စဉ်းစားတဲ့အချိန်မှာ အချစ်အပြင် တခြားသော အရည်အသွေး ၊ အရည်အချင်းလေးတွေဟာ စဉ်းစားစရာတွေအဖြစ် ပါသွားတယ် ။ ကိုယ့်လိုပဲ သူ့ဘက်ကလည်း ဒါတွေကို ထည့်စဉ်းစားတာပဲ ။ အဲ့ဒီလို စဉ်းစားတတ်လာလို့လည်း Quality ပိုမြင့်တဲ့ မိန်းကလေး/ယောက်ျားလေးတွေနဲ့ မလွဲမသွေ တွေ့ရတယ်လို့ ပြောလို့ရတာလည်း ဖြစ်မယ် ။
တစ်ခါတလေမှာတော့... ကိုယ်မို့လို့ချစ်တာ၊ တခြား ဘာကြောင့်မှ မဟုတ်ဘူးဆိုတဲ့ အချစ်မျိုးတွေက တကယ်နေလို့ ကောင်းတယ် ။ ဘာကောင်မှ မဟုတ်ခင်ကတည်းက ချစ်ကြ ကြိုက်ကြပြီး... အတူတူ အောင်မြင်လာကြတဲ့ ဘဝတွေက လောကနိဗ္ဗာန်ပဲ ။
#တစ်ကောင်တည်းပဲ
