ကြောင်ကလေးတစ်ကောင်ရဲ့စွန့်စားခန်း (2024)
ဒီကားဟာ ဆုတွေအများကြီးကိုလည်း သိမ်းပိုက်ထားတာဖြစ်ပါတယ်။
ဘာ‌ေကြာင့်များ ဆုတွေရခဲ့တာ ဖြစ်မလဲ။ အက်မင် ဒီကားကြည့်ပြီး ခေါင်းထဲ ရောက်လာတဲ့ စာလုံးလေးက "Go with the FLOW" ဆိုတဲ့စကားပါပဲ။
ဇာတ်လမ်းအကျဉ်းပြောပြရရင် ဇာတ်ကားနာမည်အတိုင်း Flow လေးအတိုင်း မဖြစ်ခင် ရုတ်တရက် Flood ဆိုတာကို ကြောင်လေးက ရင်ဆိုင်ခဲ့ရပါတယ်။ ဘာဖြစ်လိုက်မှန်းမသိ ဘဝကြီးက ရေထဲ ရုန်းရင်းဆန်ခတ်နဲ့ ယက်ကန်ယက်ကန် ပါသွားခဲ့တယ်။
ကြောင်တွေက ရေကြောက်တတ်ပါတယ်။ ဒါပေမဲ့ ရုတ်တရက်ရေကြီးမှုကြောင့် ရေထဲ ကူးခတ်ခဲ့ရပြီး သူလို ရေကြီးလို့ ဒုက္ခရောက်တဲ့ တခြား တိလေးတွေနဲ့ ဆုံတွေ့ကာ လှေတစ်စင်းပေါ် သောင်တင်သွားကြတယ်။
ကြောင်လေးဟာ ရေကြီးပြီး ဒုက္ခများနေလည်း စိတ်ဓာတ်မကျပဲ လီမာမျောက်ဆီကနေ ငါးဖမ်းနည်းပါ သင်ခဲ့ပြီး ကိုယ်တိုင်အစာအတွက်ကော တခြားကောင်တွေ အတွက်ပါ သူ ရှာဖွေပေးနိုင်ခဲ့တယ်။ ဒုက္ခရောက်နေတဲ့ကြားမှာ အစာရေစာ လုယက်မှုတွေလည်း ရှိတာပေါ့။
ဒီလိုပါပဲ ကျွန်ုပ်တို့လူသားတွေ ဘဝမှာ ရုတ်တရက် ကံကြမ္မာအလှည့်အပြောင်းကြောင့် ဘဝတစ်ဆစ်ချိုးခဲ့ရင် စိတ်ဓာတ် မကျသွားပဲ အခက်အခဲကြားက သင်ယူတတ်ဖို့ မတူကွဲပြားကြတဲ့ လူတွေကြားထဲ လိုက်လျောညီထွေရှိဖို့ ကိုယ်တတ်နိုင်တဲ့ ဘက်ကနေ ဖေးမကူညီတတ်ဖို့ မျှဝေခံစားတတ်ဖို့ ဘဝကြီးက ရုတ်တရက် ရေထကြီးလည်း Go with the FLOW ဆိုသလို ရေစီးမှာ အလိုက်သင့်သွားနိုင်ဖို့ကို ကြောင်လေးတစ်ကောင်ရဲ့ စွန့်စားခန်းကနေ ရိုက်ပြထားပါတယ်။
ကြောင်လေးလည်း ကြောက်တတ်ပေမယ့် အဲဒီအကြောက်တရားကို ရင်ဆိုင်လိုက်တဲ့အခါ အဆုံးမှာ ဘယ်လို အရာက စောင့်ကြိုနေမှာလဲ။