ဒေါ်လာ ၁၂ ဘီလီယံ အလွဲသုံးစားမှု အင်ဒိုနီးရှား နိုင်ငံပိုင်ရေနံကုမ္ပဏီခွဲ အကြီးအကဲအပါအဝင် ခုနှစ်ယောက် အဖမ်းခံရ
ဂျကာတာ၊ ဖေဖော်ဝါရီ ၂၅
အင်ဒိုနီးရှားနိုင်ငံပိုင် ရေနံနဲ့သဘာ၀ဓါတ်ငွေ့ကုမ္ပဏီ ပါတာမီနာရဲ့ လုပ်ငန်းခွဲတခုမှ အကြီးအကဲကို ဒေါ်လာ ၁၂ ဘီလီယံ အလွဲသုံးစားမှုကြောင့် ဖမ်းဆီးထိန်းသိမ်းလိုက်ပါတယ်။
အဲဒီအဂတိလိုက်စားမှုနဲ့ဆက်စပ်ပြီး အခြားခြောက်ယောက်ကိုလည်း ဖမ်းဆီးထိန်းသိမ်းလိုက်ပါတယ်။ ရီဗာဆီယာဟန်ဟာ နို်ငငံပိုင်ရေနံလုပ်ငန်းရဲ့ လုပ်ငန်းခွဲတခုဖြစ်တဲ့ Pertamina Patra Niaga ရဲ့ အကြီးအကဲလည်းဖြစ်ပါတယ်။
ရှေ့နေချုပ်ရုံးကနေ ဖမ်းမိန့်ထုတ်လိုက်တဲ့ တခြားသူတွေကတော့ နို်ငငံပိုင်လုပ်ငန်းခွဲနှစ်ခုဖြစ်တဲ့ Kilang Pertamina Internasional နဲ့ Pertamina International Shipping က အမှုဆောင်တွေအပါအဝင် ပုဂ္ဂလိက ကဏ္ဍက တာဝန်ရှိသူတွေလည်း ပါဝင်နေပါတယ်။
ဖမ်းဆီးလိုက်တဲ့ ခုနှစ်ယောက်ဟာ ပြည်တွင်းလောင်စာထုတ်လုပ်မှုအတွက် အစိုးရစည်းမျဉ်းတွေကို ချိုးဖောက်ခဲ့တယ်လို့ စွပ်စွဲခံထားရတယ်လို့ ရှေ့နေချုပ်ရုံးတာဝန်ရှိသူက ပြောပါတယ်။ သူတို့တွေဟာ ထုတ်လုပ်မှုပမာဏ ပြည့်မီဖို့ ရေနံစိမ်းတွေတင်သွင်းခဲ့မှုမှာ ငွေကြေးစီမံခန့်ခွဲမှုတွေ အလွဲသုံးစားပြုခဲ့တယ်လို့ ပြောပါတယ်။
သက်သေထွက်ဆိုချက်တွေ၊ ကျွမ်းကျင်သူတွေရဲ့ ယူဆချက်တွေနဲ့ တရားဝင်ရရှိထားတဲ့ စာရွက်စာတမ်းတွေအပေါ် အခြေခံပြီးစုံးစမ်းစစ်ဆေးရေးအဖွဲ့က သံသယရှိသူခုနှစ်ယောက်ကို ဖော်ထုတ်ခဲ့တာလို့ ပြောပါတယ်။
၂၀၁၈ ခုနှစ်ကနေ ၂၀၂၃ ခုနှစ်အတွင်း နိုင်ငံတွင်းမှာ တရားမဝင်ရေနံစိမ်းကုန်သွယ်မှုတွေကြောင့် အမေရိကန်ဒေါ်လာ ၁၁ ဒဿမ ၉ ဘီလီယံ ဆုံးရှုံးခဲ့တယ်လို့ တာဝန်ရှိသူတွေကို ကိုးကားပြီး အင်ဒိုနီးရှားအခြေစိုက် သတင်းဌာနတွေက ဖော်ပြထားပါတယ်။
Ref:CNA
Photo:Reuters
#centralnewsnaypyitaw
