ဒါဟာ ခရိုအေးရှားနိုင်ငံ၊ Krka အမျိုးသားဥယျာဉ်အတွင်းက Visovac ကျွန်းငယ်လေးပေါ်မှာ တည်ရှိတဲ့ Visovac (ဗီဆိုဗက်စ်) ဘုန်းတော်ကြီးကျောင်း ပဲဖြစ်ပါတယ်။

သဘာဝအလှတရားတွေ နဲ့ ပြည့်နှက်နေတဲ့ Krka အမျိုးသားဥယျာဉ်ရဲ့ အစိတ်အပိုင်းတစ်ခုဖြစ်သလို၊ သမိုင်းနဲ့ ယဉ်ကျေးမှုအရလည်း အလွန်တန်ဖိုးရှိတဲ့ နေရာတစ်ခုပါ။

၁၄ ရာစုမှာ Augustinian ဘုန်းတော်ကြီးတွေဟာ ဒီကျွန်းလေးပေါ်မှာ ဘုရားကျောင်းလေးတစ်ခုနဲ့ ဘုန်းတော်ကြီးကျောင်းကို စတင်တည်ထောင်ခဲ့ကြပါတယ်။ အဲဒီအချိန်တုန်းကတော့ "Lapis Albus" လို့ အမည်တွင်ခဲ့ပါတယ်။

၁၅ ရာစု မှာတော့ Franciscan ဘုန်းတော်ကြီးတွေဟာ ဘော့စနီးယားကနေ တူရကီကျူးကျော်မှုတွေကို ရှောင် တိမ်းရင်း ဒီကျွန်းကို ရောက်ရှိလာကြပါတယ်။

သူတို့ဟာ မူလရှိပြီးသား အဆောက်အဦးတွေကို ပြန်လည်မွမ်းမံပြီး ဘုန်းတော်ကြီးကျောင်းနဲ့ ဘုရားကျောင်းကို တိုးချဲ့တည်ဆောက်ခဲ့ကြပါတယ်။

၁၆ ရာစုနှောင်းပိုင်းမှာ အော်တိုမန်အင်ပါယာရဲ့ လွှမ်းမိုးမှုအောက်မှာ ခဏတာ ကျရောက်ခဲ့ပေမယ့်၊ ၁၆၇၂ ခုနှစ်မှာ Franciscan တွေက ပြန်လည်ပြုပြင်မွမ်းမံခဲ့ကြပါတယ်။

ဘုန်းတော်ကြီးကျောင်းမှာ အလွန်တန်ဖိုးရှိတဲ့ စာကြည့် တိုက်တစ်ခုရှိပါတယ်။ ရှေးဟောင်းစာအုပ်တွေ၊ incunabula (၁၅ ရာစု မတိုင်မီက ပုံနှိပ်စာအုပ်များ)၊ သမိုင်းဝင်စာရွက်စာတမ်းတွေ၊ ဘာသာရေးဆိုင်ရာ ကျမ်း စာအုပ်တွေ အများအပြားကို စုဆောင်းထားပါတယ်။

နောက်ပြီး ဘုန်းတော်ကြီးကျောင်းမှာ သေးငယ်တဲ့ ပြတိုက်တစ်ခုလည်း ရှိပြီး၊ ဘာသာရေးဆိုင်ရာ အသုံး အဆောင်ပစ္စည်းတွေ၊ သမိုင်းဝင်ပစ္စည်းတွေနဲ့ ရှေးဟောင်းသုတေသန တွေ့ရှိချက်တွေကို ပြသထားပါတယ်။

ယနေ့ခေတ်မှာတော့ Visovac ဘုန်းတော်ကြီးကျောင်းဟာ သမိုင်း၊ ယဉ်ကျေးမှု၊ ဘာသာရေးနဲ့ သဘာဝအလှတရားတို့ ပေါင်းစပ်ထားတဲ့ ထူးခြားတဲ့ နေရာတစ်ခုဖြစ်ပြီး၊
ခရိုအေးရှားနိုင်ငံရဲ့ အရေးပါတဲ့ ယဉ်ကျေးမှုအမွေအနှစ်နေရာတစ်ခုအဖြစ် တည်ရှိနေပါတယ်။