Tech Industory သမိုင်းကြောင်းထဲက အံ့သြဖွယ် ဖြစ်ရပ် (၅) ခု
----------------------------------------------
နည်းပညာလောကဟာ နေ့စဉ်နဲ့အမျှ တိုးတက်ပြောင်းလဲနေပါတယ်။ ဒီနေ့မှာတော့ ညဖက်မှာ ပေါ့ပေါ့ပါးပါးဖတ်လို့ကောင်းမယ့် Tech Industory ထဲက စိတ်ဝင်စားစရာ ထူးဆန်းတဲ့ဖြစ်ရပ် (၅) ခုအကြောင်း အခရာပရိသတ်တွေကို မျှဝေပေးချင်ပါတယ်။
၁။ Y2K ပြဿနာ
၁၉၉၉ ခုနှစ်ကနေ ၂၀၀၀ ခုနှစ်ကို ကူးပြောင်းတဲ့အချိန်မှာ ကွန်ပျူတာတွေအားလုံး ပျက်စီးသွားမယ်လို့ လူတွေက စိုးရိမ်ခဲ့ကြပါတယ်။ အဲ့ဒီခေတ်က ကွန်ပျူတာနဲ့နီးစပ်သူတွေဆိုရင် သိကြမှာပါ။ ဘာကြောင့်လဲဆိုတော့ အဲ့ဒီခေတ်က ကွန်ပျူတာစနစ်တွေအများစုက ခုနှစ်သက္ကရာဇ်တွေကို ဂဏန်း၂လုံးနဲ့ပဲ သိမ်းဆည်းကြတာများပါတယ်။ ဥပမာ - ၁၉၉၉ ကို "99" လို့ပဲ သိမ်းထားတာပါ။ ၂၀၀၀ ရောက်ရင် "00" ဖြစ်သွားပြီး ၁၉၀၀ လို့ ကွန်ပျူတာတွေက ထင်မှတ်မှာကို စိုးရိမ်ခဲ့ကြတာပါ။ ဘဏ်စနစ်တွေ၊ တစ်ချို့စီးပွားရေးလုပ်ငန်းတွေ ထိခိုက်သွားခဲ့ပေမယ့် အချိန်မီပြင်ဆင်နိုင်ခဲ့ကြလို့ ထင်ထားသလို ကမ္ဘာပျက်တာမျိုးထိတော့ မဖြစ်ခဲ့ပါဘူး။
၂။ ပထမဆုံး Emoji ဖန်တီးမှု
၁၉၉၉ ခုနှစ်မှာ ဂျပန်က Shigetaka Kurita ဆိုတဲ့ ပုဂ္ဂိုလ်က ပထမဆုံး emoji တွေကို ဖန်တီးခဲ့ပါတယ်။ သူဟာ NTT DoCoMo ဆိုတဲ့ မိုဘိုင်းကုမ္ပဏီမှာ အလုပ်လုပ်နေစဉ် ၁၂x၁၂ pixel ပုံတွေနဲ့ Emoji တွေကို စတင်ဖန်တီးခဲ့တာပါ။ အဲ့ဒီ မူရင်း emoji တွေကို နယူးယောက်က Museum of Modern Art မှာ ခုချိန်ထိပြသထားပါတယ်။
၃။ ကမ္ဘာ့ပထမဆုံး Computer Virus
၁၉၈၆ ခုနှစ်မှာ Brain ဆိုတဲ့ ပထမဆုံး PC virus ပေါ်ထွက်လာခဲ့ဖူးပါတယ်။ ထူးဆန်းတာက ဒီ virus ကို ပါကစ္စတန်နိုင်ငံသား ညီအစ်ကိုနှစ်ယောက်က သူတို့ရဲ့ဆေးဝါးဆိုင်ရာ Software တွေကို တစ်ချို့သူတွေက တရားမဝင်ကူးယူပြီး သုံးစွဲနေတာကို တားဆီးဖို့ ရည်ရွယ်ချက်နဲ့ ဖန်တီးခဲ့တာပါ။ Software ကိုကူးဖို့ Floppy Disk ကိုစက်ထဲထည့်လိုက်တာနဲ့ Copy လုပ်တဲ့ Speed ကိုနှေးသွားအောင် ဖန်တီးထားခဲ့တာဖြစ်ပါတယ်။ ထူးဆန်းတာက ဒီ virus မှာ Software ကိုဝယ်ယူချင်သူတွေအနေနဲ့ ဆက်သွယ်နိုင်ဖို့ သူတို့ရဲ့နာမည်၊ ဖုန်းနံပါတ်နဲ့ လိပ်စာတွေ ထည့်ထားပေးခဲ့ပါတယ်။
၄။ Google ကို ရောင်းဖို့ ကြိုးစားခဲ့တဲ့ဖြစ်ရပ်
၁၉၉၉ ခုနှစ်မှာ Google ရဲ့တည်ထောင်သူတွေဖြစ်တဲ့ Larry Page နဲ့ Sergey Brin တို့က သူတို့ရဲ့ ကုမ္ပဏီကို Excite လို့ခေါ်တဲ့ Web Portal Companyကို ဒေါ်လာ ၁ သန်းနဲ့ ရောင်းဖို့ ကြိုးစားခဲ့ပါတယ်။ ဒါပေမယ့် Excite က လက်မခံခဲ့ပါဘူး။ အကြောင်းအရင်းကတော့ Google ကိုပဲ Default Search Engine အဖြစ်သုံးဖို့အတွက် Excite ဖက်ကလက်မခံခဲ့လိုပါ။ ဒီနေ့ခေတ်မှာတော့ Google ဟာ ကမ္ဘာ့တန်ဖိုးအကြီးဆုံး ကုမ္ပဏီတွေထဲက တစ်ခုဖြစ်နေပြီး တန်ဖိုး ဒေါ်လာ ထရီလီယံချီရှိနေပါပြီ။
၅။ Space Invaders ဂိမ်းကြောင့် ဂျပန်မှာ Coin တွေပြတ်လတ်ခဲ့တဲ့ဖြစ်ရပ်
၁၉၇၈ ခုနှစ်မှာ Space Invaders ဂိမ်း လူကြိုက်များလွန်းတဲ့အတွက် ဂျပန်နိုင်ငံမှာ အကြွေစေ့ ပြတ်လတ်မှုဖြစ်ခဲ့ပါတယ်။ အကြောင်းအရင်းက ဂိမ်းဆိုင်တွေမှာ ကလေးတွေက အကြွေစေ့ကိုသုံးပြီး အဆိုပါဂိမ်းကို အကြီးအကျယ်ကစားခဲ့ကြလို့ဖြစ်ပါတယ်။ ဂျပန်အစိုးရက ဒီအတွက်အကြွေစေ့ထုတ်လုပ်မှုကို တိုးမြှင့်ခဲ့ရပါတယ်။ ဒီဂိမ်းက နောက်ပိုင်းမှာ ဂိမ်းလောကရဲ့ ရွှေခေတ်ကို စတင်စေခဲ့တဲ့ အကြောင်းရင်းတွေထဲက တစ်ခုဖြစ်လာခဲ့ပါတယ်။
ဒါတွေကတော့ သမိုင်းကြောင်းမှာ ဖြစ်ခဲ့တဲ့ Technology နဲ့ဆိုင်တဲ့ဖြစ်ရပ်တွေထဲက တချို့ပါ။ အခရာပရိသတ်တွေထဲက မျှဝေချင်တာရှိရင် ပြောပြခဲ့ပါဦး
