Lady Gaga ရဲ့ အဆိုတော်ဘဝအစက ထင်ထားတာထက်ပိုခက်ခဲခဲ့ပါတယ် ....
ဒီဇိုင်နာ မငှားနိုင်ခဲ့လို့ ဝတ်စုံဈေးပေါပေါတွေ ရှာဝယ် ... တင့်တင့်တယ်တယ်ဖြစ်အောင် ကိုယ်တိုင်လက်ဖြစ် ကျောက်တွေကပ် ၊ စီးကွင့်တွေထိုး ၊ အလှတွေပြန်ဆင်တာမျိုး လုပ်ခဲ့ရသလို....
မိတ်ကပ် ၊ ဆံပင်တွေလဲ ကိုယ့်ဘာသာ တတ်သလိုပြင်ဆင်ဖန်တီးရင်း အချိန်တစ်ခုဖြတ်သန်းခဲ့ရပါတယ်...
ဝါသနာကို မစွန့်နိုင်လို့ ဘားတချို့ ၊ shopping mall ပိစိ တချို့ရဲ့ promotion ပွဲလေးတွေမှာ အင်မတန်မှနည်းတဲ့ အနုပညာကြေးနဲ့ သီချင်းဆို ဖျော်ဖြေခွင့်ရခဲ့ပေမယ့် တကယ့်တကယ် စားဝတ်နေရေးအတွက်ကျ Cornelia လမ်းက စားသောက်ဆိုင်တစ်ခုမှာ စားပွဲထိုးလုပ်ရင်းပိုက်ဆံရှာရပါတယ် ....
ဒါမျိုး ခက်ခက်ခဲခဲ ရှင်သန်ရပ်တည်ရတဲ့ အဆိုတော်ဘဝအစမှာ ကိုယ်ပိုင်မန်နေဂျာထားဖို့ဆိုတာ မဖြစ်နိုင်တဲ့အနေအထားပါ....
ဒါပေမယ့် ဉာဏ်ကောင်းတဲ့ Gaga က ပွဲစီစဉ်သူတွေ ၊ shopping mall မန်နေဂျာတွေ ဆီကို သူမကိုယ်တိုင်
သူမရဲ့ မန်နေဂျာအဖြစ်ဟန်ဆောင်ဖုန်းဆက်ကာ
"ဟေး နင်တို့ Lady Gaga ဆိုတဲ့ အဆိုတော်သစ်လေး သိကြလား?
သူက ခု အရမ်းပေါက်နေတာနော်။
ပွဲတွေမှာဆို သူ့ကို ပရိသတ်အရမ်းသဘောကျတာ ။
ဖက်ရှင်လဲမိုက် ၊ ပါဖောင်းမန့်လဲကောင်းပြီး သီချင်းတွေလဲ အရမ်းကောင်းတာ ။
နင်တို့ သူ့ကို ခေါ်ဆိုခိုင်းမယ်ဆို ငါက မန်နေဂျာမို့ ဈေးညှိပေးလို့ရတယ် " စသဖြင့် အသံတုမျိုးစုံလုပ်ကာ ပွဲတွေဆိုရဖို့အတွက် ဉာဏ်နီ ဉာဏ်နက်မျိုးစုံထုတ်ကာ ကြိုးစားခဲ့ရကြောင်း ယခုတစ်ပတ်အတွင်း ထုတ်လွှင့်ခဲ့ Hot ones program မှာ ဖွင့်ဟ လာပါတယ် ။
Gaga ရဲ့ မဆုတ်မနစ် ကြိုးစားမှုတွေကြောင့် ယခုလက်ရှိရုပ်ရှင် ဂီတ ဖက်ရှင် နယ်ပယ်မှာအောင်မြင်မှု များစွာရရှိနေပြီး ကမ္ဘာကျော် ပွဲတိုင်း ၊ အစီအစဉ်တိုင်းအတွက် ဦးစားပေးဖော်ပြခံရတဲ့ အနုပညာရှင်တစ်ဦးအဖြစ် အထင်ရှားဆုံးတောက်ပနေပြီဖြစ်ပါတယ် ....
တကယ်တော့ သင်မအောင်မြင်သေးတာမဟုတ်ပါဘူး
အောင်မြင်လောက်တဲ့အထိ ဉာဏ် /ဝီရိယ စိုက်ထုတ်ပြီး မကြိုးစားရသေးတာပါ... ❣️

#crd
#topicnews