ဟောလိဝုဒ်ရဲ့လူငယ်အကျော်အမော် Tom Holland တစ်ယောက် သူ့ရဲ့ဘဝနေထိုင်မှုပုံစံကို ပြောင်းလဲခဲ့တာကြာပါပြီ..အရင်တုန်းကဆိုရင် အလုပ်နားတဲ့ စနေ၊ တနင်္ဂနွေတိုင်းမှာ ဘီယာလေးတမြမြနဲ့ အချိန်ဖြုန်းတတ်ခဲ့ဖူးပါတယ်..နောက်ပိုင်းမှာ ဒီအလေ့အထဟာ သူ့အတွက်မကောင်းတော့သလို အလုပ်အပေါ်ပါထိခိုက်တာတွေရှိလာတော့ ပြောင်းလဲဖို့စတင်လေ့ကျင့်ခဲ့ရတယ်..ဘီယာလေးနဲ့နှစ်ပါးသွားနေတုန်းကဆိုရင် Tom Holland တစ်ယောက် အလုပ်ချိန်နောက်ကျတာမျိုးတွေ၊ အိပ်ယာထဲပဲလှဲချင်နေတာမျိုးတွေထိဖြစ်ခဲ့ပါတယ်..ဒါကြောင့် အရက်ကိုလုံးဝဖြတ်ပစ်လိုက်တယ်၊ အလုပ်နားရက်တွေမှာ ဂေါက်လိုက်ရိုက်ဖြစ်တယ်၊ နောက်ပိုင်း BERO အမည်နဲ့ Premium Non-Alcoholic Beer ကိုထုတ်လုပ်ပြီး စီးပွါးရေးဘက်ခြေဆန့်လာခဲ့ပါတယ်။
အရက်ဘီယာကိုအကျင့်လုပ်သောက်တတ်တဲ့သူတွေဆိုသိမှာပါ၊ ဒီလိုအလေ့အကျင့်ဟာဖြတ်ရခက်တယ်၊ ဖြတ်ပြီးသွားရင်လည်း ပြန်သောက်တဲ့အခါ ပိုပြီးထိခိုက်နိုင်တယ်..ဒါကြောင့်ပဲ အရက်ဖြတ်ထားတဲ့ Tom Holland အနေနဲ့ သူပွဲတွေတက်ရောက်ရတဲ့အခါ ယဉ်ကျေးမှုအရသောက်စားဖို့ရှိလာတဲ့အချိန် အစားထိုးနိုင်ရန်ရည်ရွယ်ချက်နဲ့ BERO ဆိုတဲ့ Non-Alcoholic Beer ကို ထုတ်လုပ်ခဲ့ပါတယ်..ဒါကလည်း သူတစ်ဦးထဲမှမဟုတ်၊ အရက်ဖြတ်ထားတဲ့လူတိုင်းအတွက်ရည်ရွယ်ပါတယ်တဲ့။
ဆိုတော့ BERO အတွက် Tom Holland လည်း ပရိုမိုးရှင်းတွေဆင်းရပါတယ်..အခုဆိုရင် သူ့ရဲ့ဘီယာဟာ US ထိဖြန့်ဖြူးလာပြီဖြစ်တာကြောင့် Target ကိုရောက်ရှိနေတဲ့ BERO အတွက် Promotional Video တွေလိုက်ရိုက်ရင်း Beer Hunting လိုက်လုပ်တာကို Instagram က Story မှာ ဝေမျှကာ ပရိုမိုရှင်းဆင်းတာပေါ့ဗျာ..သူ့အနေနဲ့ US ကိုရောက်ရှိနေတာကြာပြီဆိုတော့ ဘီယာလိုက်ဝယ်တဲ့အခါလည်း Target မှာသာလိုက်ရှာရတာပေါ့..ကံမကောင်းချင်တော့ ပထမ Target ၂ ဆိုင်ကိုရောက်ပေမဲ့ ပစ္စည်းကပျက်သွားပြီ..တတိယမြောက် Target ကိုရောက်တော့မှ BERO တွေကိုတွေ့တာနဲ့ ဝမ်းသာအားမြောက်စွာ ဝယ်ယူလိုက်ပေမဲ့ ကောင်တာအရောက် အရောင်းဝန်ထမ်းကပေးမဝယ်ပါဘူး။
အကြောင်းအရင်းကတော့ Tom Holland ကို အသက်မပြည့်သေးဘူးထင်တာကြောင့် ပေးမဝယ်တာဖြစ်ပြီး မှတ်ပုံတင်ပြခိုင်းတဲ့အခါ ထုတ်ပေးလိုက်ပေမဲ့ ဗြိတိန်မှတ်ပုံတင်ဖြစ်နေတာကြောင့် ရောင်းဖို့မဖြစ်နိုင်ဘူးဟူ၍ စည်းမျဉ်းအရဝယ်ယူခွင့်မရခဲ့ပါဘူး..ဒါပေမဲ့လည်း ဝန်ထမ်းတွေက Tom Holland မှန်းသိသွားတာမို့ သူတို့မှတ်ပုံတင်နဲ့ စကန်ပေးလိုက်တာကြောင့်တော့ အဆင်ပြေသွားခဲ့ပါတယ်။
Tom Holland ဟာ အသက် ၂၈ နှစ်ရှိပြီဖြစ်ပေမဲ့ သူ့ရဲ့အရပ်အမောင်း၊ ရုပ်ရည်နဲ့ အသံတို့ကြောင့် ကလေးသာသာလို့သာထင်ရသလို အခုထိ ဆယ်ကျော်သက်အရွယ် စပိုက်တာမန်းလို့ထင်နေသူတွေ ရှိနေတုန်းပါပဲ..ဘယ်လိုပဲဖြစ်ဖြစ် ဒါဟာ အရပ်ပုတဲ့ Short King တွေရဲ့ အားသာချက်တစ်ခုပဲပေါ့လေ။
တစ်ခုထပ်သတိထားမိလားတော့မသိပေမဲ့ Non-Alcoholic Beer ကိုတောင်မှ ဒီလိုစနစ်တကျရောင်းချပေးတာဟာ အတော်လေးသဘောကျစရာကောင်းတဲ့ စနစ်တစ်ခုပါပဲ။
