ယောကျ်ားက မိန်းမကို ဘယ်လောက်ချစ်လဲဆိုတာ ကလေးမွေးတဲ့အခါမှ သိမယ်
============================
ယောကျ်ားတစ်ယောက်က မိန်းမတစ်ယောက်ကို ဘယ်လောက်ချစ်လဲဆိုတာ မယူခင် ဘယ်လိုလိုက်ပိုးပန်းတာဘယ်လိုမရရအောင်လိုက်ခဲ့တာနဲ့ ဆုံးဖြတ်လို့ မရဘူး။ကလေးမွေးပီးတဲ့အချိန်မှာမှ သူဘယ်လောက်ချစ်လဲဆိုတာ သိရမှာပါ။

ကိုယ်ဝန်ဆောင် ကလေးမွေး၊ကလေးထိန်း ဒီချိန်တွေမှာ မိန်းမတွေဟာ အလုပ်မရှိ ဝင်ငွေမရှိကြပါဘူး။ဒီချိန်ကာလတွေဟာ မိန်းမတွေအတွက် ကိုယ့်ယောကျာ်းဘယ်လိုလဲဆိုတာကို အကြည်လင်ဆုံး၊အပြတ်သားဆုံးအကောင်းဆုံး သိရတဲ့အချိန်ပါပဲ။

တချို့မိန်းမတွေက ယောက်ကျားဖက်ကမိသားစုရဲ့ အေးတိအေးစက်ဆက်ဆံတာမျိုးကို ခံရတတ်ပါတယ်။

တချို့ကြတော့လဲ အနိမ်ခံရတတ်တယ် တချို့ကြတော့ ယောက်ကျားဖောက်ပြန်တာခံရတယ်။

တချို့ကြပြန်တော့ ငွေလက်ဖြန့်တောင်းလို့ဆိုပြီး အပြောခံရပြန်ရော။

ကိုယ့်မှာတော့ ညတိုင်းကလေးထိန်း အိပ်ရေးပျက် အရမ်းပင်ပန်းနေတာ ဘယ်သူမှမသိ နားမလည် အချစ်ဆိုတာ အရမ်းကို ကြည်နူးစရာ ကောင်းပါတယ် ဒါပေမဲ့ အိမ်ထောင်ရေးဘဝဟာ အရမ်းကို လက်တွေ့ဆန်လွန်းတယ်။

တချို့မိန်းမတွေ ကလေးမွေးပြီး ထွက်လာတယ် ယောက်ကျားက သတင်းစာထိုင်ဖတ်နေမယ် တချို့မိန်းမတွေကလေးမွေးပြီးထွက်လာတယ်။တမိသားစုလုံး ကလေးနားပဲအာရုံရောက်ပြီး မိမိကို မေ့နေတတ်ကြတယ်။

တချို့မိန်းမတွေ ကလေးမွေးပြီးထွက်လာတယ်။ယောကျာ်းက အရင်ဆုံး မိန်းမရေ အရမ်းချစ်တယ်နော် ကျေးဇူးပါ ပင်ပန်းသွားပြီးဆိုတဲ့ စကားကြားလိုက်ရတယ်။

ကလေးမွေးတယ်ဆိုတာ ရိုးရိုးမွေးမွေး ခွဲပဲမွေးမွေး အသက်နဲ့ရင်းပြီး မွေးရတာပါ။

မိန်းမတိုင်း ကလေးမွေးရမယ် ဒါသဘာဝပဲဆိုပြီး လျစ်လျူရှုခံရတဲ့ မိန်းမတွေအများကြီးပါ သူတို့အတွက် စကားတခွန်း အပြုအမူတခုဟာ ဘယ်လိုတောင် ထိရောက်မှုရှိလဲဆိုတာ ဘာလို့နားမလည်ပေးနိုင်ကြတာလဲ။

အိမ်တစ်အိမ်မှာ မိန်းမတစ်ယောက်ရပ်တည်နိုင်မှု၊နေရာရမှုဟာ ယောကျ်ားတစ်ယောက်ရဲ့ အရည်အချင်းရှိမှုနဲ့ လူစိတ်ပီသမှုအပေါ်၌သာ သက်ဆိုင်နေပါတယ်။

ယောကျ်ားကနှိမ်တယ် အမြဲအပြစ်ပြောတယ်ဆိုရင် အဲ့ဒီမိန်းမဟာ အဲ့ဒီအိမ်မှာ ကျွန်သာသာပဲရှိပါမယ်။အိမ်သားအားလုံးရဲ့နှိမ်တာ၊ပြောတာဆိုတာ ခံရမှာပဲ။

ယောကျ်ားက မိန်းမဖက်မှာရှိမယ် ငါ့မိန်းမ ငါချစ်တယ် ငါဖူးဖူးမှုတ်ထားမယ် ဘုရင်မတပါးလို ငါထားမယ် ငါတောင်မခိုင်းရက်ဘူး ငါအလိုလိုက်မယ်ဆိုတဲ့မိန်းမ ဘယ်အိမ်သားမှ မနှိမ်ရဲဘူး မပြောရဲကြဘူး။

အချစ်ခံရတယ် အချစ်မခံရဘူးဆိုတာ မယူခင်မှာသိရတာမဟုတ်ပါဘူး ကလေးရပြီးမှသိရတာပါ။