ရန်ကုန်မြို့လယ်ခေါင်ရှိ Peninsula Hotel စီမံကိန်းရပ်ဆိုင်း
ရန်ကုန်၊ ဖေဖော်ဝါရီ ၂၀
ရန်ကုန်မြို့လယ်ခေါင်ရှိ မီးရထားပိုင်အဆောက်အဦးနေရာတွင် အကောင်အ ထည်ဖော်တည်ဆောက်နေသည့် Peninsula Hotel စီမံကိန်းကို နိုင်ငံရေးအခြေ အနေကြောင့် အပြီးတိုင်ရပ်ဆိုင်းလိုက်ကြောင်း မြန်မာ့မီးရထား(နေပြည်တော်) မှ သိရသည်။
မြန်မာနိုင်ငံ၏ စီးပွားရေးမတည်ငြိမ်မှုများနှင့် နိုင်ငံရေးအခြေအနေများကြောင့် အဆိုပါစီမံကိန်းကို ရပ်ဆိုင်းလိုက်ခြင်းဖြစ်ကြောင်း သိရသည်။
"အကြောင်းအမျိုးမျိုးကြောင့် ရပ်လိုက်တာပေါ့။ ပြောရရင် နှမြောစရာကောင်းတယ်။ မြန်မာပြည်ရဲ့ခရီးသွားကဏ္ဍက ဖွံ့ဖြိုးတိုးတက်နေရင် ဒီစီမံကိန်းလည်း အကောင်အထည်ဖော်ဖြစ်မှာ။ အခုတော့ သိတဲ့အတိုင်းပဲ>" ဟု မြန်မာ့မီးရ ထား(နေပြည်တော်)မှ တာဝန်ရှိသူတစ်ဦးက ယနေ့ခေတ်သို့ ပြောသည်။
ထို့ပြင် ယင်းစီမံကိန်းအတွက် ရင်းနှီးမြှုပ်နှံထားသောငွေအားလုံးကို စာရင်းမှ ပယ်ဖျက်လိုက်ကြောင်း၊ မီးရထားပိုင်မြေနေရာတွင် တည်ဆောက်နေသည့် ရန်ကုန် Peninsula Hotel စီမံကိန်းသည် စင်ကာပူစတော့အိတ်ချိန်းစာရင်းဝင် Yoma Strategic Holdings နှင့် ရန်ကုန်စတော့အိတ်ချိန်းစာရင်းဝင် First Myanmar Investment တို့ပါဝင်သော Serge Pun (ခေါ်) ဦးသိမ်းဝေ၏ Yoma Group နှင့်ပူးပေါင်းဆောင်ရွက်ထားခြင်းဖြစ်သည်။
ယခင်ကိုလိုနီခေတ်ဟောင်း မြန်မာ့မီးရထားဌာနချုပ်နေရာကို ပြန်လည်ဖွံ့ဖြိုးတိုးတက်စေရန်ရည်ရွယ်ချက်ဖြင့် အခန်း ၈၈ ခန်းပါ ဟိုတယ်တစ်ခုအား တည် ဆောက်မည့်စီမံကိန်းကို လွန်ခဲ့သည့် ၂၀၁၄ ခုနှစ်တွင် စတင်ခဲ့ခြင်းဖြစ်ကြောင်း သိရသည်။
#centralnewsnaypyitaw
