ထိုင်းနိုင်ငံမှာ အိမ်ငှားတဲ့အခါ ...

မှားတတ်‌သော အမှားများ
***********************

၁) Agent Fee

ချိတ်ပေးတဲ့ Agent ကို အိမ်ရှင်ဘက်မှသာ ဝန်ဆောင်ခ ပေးရတာပါ။ အိမ်ငှားဘက်မှ ပေးရန်မလိုပါ။

၂) Maintenance / Management Fee

အဆိုပါ Fee ကိုလဲ အိမ်ရှင်ဘက်မှ ‌Juristic ကို ပေးရတာပါ။ အိမ်ငှားဘက်မှ ပေးရန်မလိုပါ။

၃) မီတာဖိုး၊ ရေဖိုး၊ အင်တာနက်ဖိုး

အဆိုပါ Fee တွေကိုတော့ အိမ်ငှားဘက်မှ လစဉ်ပေးချေရပါတယ်။ (တချို့ Service Apartment တွေမှာတော့ ပါပြီးသား ဖြစ်ပါတယ်)

၄) အိမ်လခ

အိမ်လခကို တစ်လချင်းစီ ကြိုပေးရပါတယ်။ တစ်နှစ်စာ ကြိုပေးရန် မလိုပါ။ စပေါ် ၂ လစာ ပေးထားရပါတယ်။ ငွေသားပဲ ပေးပေး၊ ဘဏ်ကပဲ လွှဲလွှဲ၊ ပေးပြီးကြောင်း မှတ်တမ်း / Bank Slip ကို အမြဲသိမ်းထားပါ။ တချို့အိမ်ရှင်တွေက မေ့ပြီး အမှတ်မှားပြီး မပေးရသေးဘူး ဆိုပြီး မငြင်းရအောင်ပါ။

၅) Terms & Conditions

Terms & Conditions တွေကို စာချုပ်ထဲမှာ တိတိကျကျ ရေးမထားခဲ့ရင် ပြဿနာဖြစ်နိုင်ပါတယ်။ ဥပမာ အဝတ်လျှော်စက် / လေအေးပေးစက် ပျက်ခဲ့ရင် ဘယ်သူပြင်ပေးရမယ် စသဖြင့် တိတိကျကျ ပါသင့်ပါတယ်။

၆) Decoration

လှလှပပလေး နေချင်လို့ အငှားအိမ်ကို ပြင်ဆင်တာမျိုး အားမပေးပါ။ အိမ်ရှင်က ကျေးဇူးမတင်တဲ့အပြင် သူ့အိမ်ကို သူသဘောတူညီမှုမရှိပဲ လုပ်ထားပါတယ်ဆိုပြီး စပေါ်ပြန်မ‌ပေးဖို့ကို အကြောင်းပြချက် ပေးလိုက်သလိုပါပဲ။

၇) Communication

အိမ်မှာ ကိုယ့်ကြောင့် တခုခု ပျက်စီးသွားတာပဲ ဖြစ်ဖြစ်၊ သူ့အလိုလို ပျက်စီးသွားတာပဲဖြစ်ဖြစ် အိမ်ရှင်ကို အကြောင်းကြားပါ။ Juristic ကို အကြောင်းကြားပါ။ ကိုယ့်သဘောနဲ့ကိုယ် ဘာမှမလုပ်ပါနဲ့။

၈) Contract

Contract စာချုပ်ပါအချက်အလက်များကို ဂရုမစိုက်ပဲ၊ သေချာမဖတ်ပဲ ငြိစွန်းတာတွေကို လုပ်မိပါက စာချုပ်ဖောက်ဖျက်မှုနဲ့ ပြဿနာဖြစ်နိုင်ပါတယ်။

၉) ဖြစ်သလို နေခြင်း

အိမ်ကို သပ်သပ်ရပ်ရပ် သန့်သန့်ရှင်းရှင်းမထားပဲ ဖြစ်သလို နေပါက နောင်တချိန်မှာ စပေါ်ပြန်ရဖို့ ခက်ခဲပါလိမ့်မယ်။ နံရံဆေးသားတွေ ညစ်ပတ်နေတာမျိုး၊ wallpaper တွေ ပြဲနေတာမျိုး၊ Drain တွေ ပိတ်ဆို့ပြီး ရေမစီးတော့တာမျိုး...

၁၀) Sub-lease

ကိုယ်နဲ့ စာချုပ်ချုပ်မယ့် အိမ်ရှင်က အိမ်ရှင်အစစ်ဖြစ်ပါစေ။ တချို့ Sub-lease တဆင့်ငှားတွေ ဖြစ်နေတတ်ပါတယ်။ Sub-lease ဆိုလဲ အိမ်ရှင်အစစ်က သဘောတူထားသလား စသဖြင့် သေချာမေးမြန်းပါ။ အားလုံး သဘောတူညီချက်နဲ့ ရှင်းရှင်းလင်းလင်းလုပ်ထားမယ်ဆိုရင်တော့ အဆင်ပြေပါတယ်။

၁၁) ခရီးထွက်ခြင်း

ခရီးရှည်ထွက်တဲ့အခါ မိန်းတွေချခဲ့ပါ။ မီးတွေ ပိတ်ခဲ့ပါ။ အိမ်တံခါး သော့ / Digital Password စကတည်းက ပြောင်းထားပါ။ အိမ်ရှင်ဆီမှာ တခြားသော့အပို ပေးမထားလေ ကောင်းလေပါပဲ။ ကိုယ်မရှိတုန်း အိမ်ထဲဝင်စစ်တာမျိုး၊ ကိုယ့်ပစ္စည်းတွေ ထိတာမျိုးကို ဘယ်သူမှ မကြိုက်ပါ။

အားလုံးအဆင်ပြေကြပါစေ။

#knowledge