ရေခွက်လေးလို မဖြစ်စေနဲ့
==================
ပုံပြင်လေးတစ်ပုဒ် ပြောပြချင်တယ်။
နားထောင်မှာလား မိတ်ဆွေ
တစ်ခါက ကလေးနှစ်ယောက်ဟာ
မြစ်တစ်ခုမှာ ရေချိုးနေကြသတဲ့
တစ်ယောက်က ရေဖလားနှင့် ခပ်ပြီးချိုးတယ်။ သူက ရေမကူးတတ်လို့ပေါ့။
နောက်တစ်ယောက်ကတော့ ရေကူးတတ်သဖြင့် မြစ်အလည်သို့ သွားချိုးတယ်။ ရေဖလားနဲ့ခပ်ချိုးသော ကလေးက
" သူငယ်ချင်း မြစ်အလယ်ကို သွားပြီး
မချိုးနဲ့ ရေစီးသန်တယ် ရေနစ်လိမ့်မယ်ဟ "
ထိုသို့ ပြောလိုက်သောအခါ ရေကူးတက်တဲ့ ကလေးက ဤသို့ ပြန်ပြောလိုက်တာပေါ့
" ဟား ....မင်းသာ ရေမကူးတက်လို့ ကမ်းစပ်မှာ ချိုးတာကွ ငါက ရေကူးတတ်တယ်လေ၊ ဒါကြောင့် ငါရေနစ်မှာ မစိုးရိမ်နဲ့ ငါ ရေကူးဘယ်လောက်ကျွမ်းလဲဆိုတာ မင်းကို လက်တွေ့ပြမယ် "
ထိုသို့ပြောပြီး မြစ်အလယ်သို့ ရေကူးသွားသတဲ့၊ မြစ်လယ်ရောက်တော့ ရေစီးသန်လွန်းတဲ့အတွက် ရေစီးကြောင်းအတိုင်း မျောပါသွားတာပေါ့ ကမ်းစပ်က ကလေးငယ်ဟာ ဘာလုပ်ရမည်ကို မစဉ်းစားတက်အောင် ဖြစ်သွားတာပေါ့
သူကိုယ်တိုင် ကယ်ရအောင်လည်း ရေက မကူးတတ်ပေ၊ ဒါပေမယ့် ကယ်မယ့်သူကလည်း သူမှတစ်ပါး မရှိပေ
မြစ်ကြောင်းတစ်လျှောက်မှာလည်း လူသားဆိုလို့ သူတို့နှစ်ဦးသာ ရှိပေသည်ကိုး၊ ရေစီးထဲမျောပါနေသူဟာလည်း ကယ်ပါ ကယ်ပါဟု တစာစာအော်နေသည်
ကမ်းစပ်က ကလေးကလည်း ရေမကူးတတ်တော့ မကယ်နိုင်၊ သူဆုံးဖြတ်ချက်တစ်ခုကို သေချာစွာ ချလိုက်သည်။ လက်ထဲက ရေချိုးတဲ့ခွက်ကို ရေထဲပစ်ချလိုက်သည်။ ထို့နောက် ဤသို့အော်ပြောသတဲ့
" သူငယ်ချင်း ရေခွက်ကို သေချာကြည့် ။
သူလည်း မင်းလိုပဲ ရေစီးအတိုင်း မျောနေတယ်၊ သူ့မှာ ကမ်းစပ်ရောက်ဖို့ ရေကူးစရာ ခြေလက်မရှိဘူး၊ မင်းမှာ ခြေလက်အစုံ ရှိတယ် စိုးရိမ်စိတ်တွေ မေ့ပစ်ပြီး ကမ်းစပ်ရှိရာသို့ အားစိုက်ကူးလိုက် ဒီလိုမှ မဟုတ်ရင်တော့ မင်းလည်း ရေခွက်နဲ့အတူ မကြာခင် နစ်မြုပ်လိမ့်မယ် "
ထိုသို့အော်ပြောရင်း ကမ်းစပ်ကနေပြီး မြစ်ကြောင်းအတိုင်း ပြေးလိုက်သတဲ့ ပါးစပ်ကလည်း
( ကမ်းစပ်ကို ကူးခဲ့လေကွာ )
( ရေခွက်လိုပဲ ရေစီးကြောင်းအတိုင်း )
( လိုက်သွားချင်လို့လား )
( မင်းမှာ ခြေလက်တွေရှိတယ်လေကွာ )
( ကူးခဲ့စမ်းပါ ဒီဘက်ကို )
ထိုသို့ အကြိမ်များစွာအော်ပြောလိုက်တော့ မြစ်ကြောင်းအတိုင်း မျောနေသော ကလေးငယ်ဟာ အားသွန်ခွန်စိုက်နဲ့ ကမ်းစပ်ရှိရာသို့ ကူးသတဲ့
ဒီလိုနဲ့နောက်ဆုံးတော့ ကမ်းစပ်ရှိရာသို့ အရောက်ကူးခက်နိုင်ခဲ့တာပေါ့ သူကမ်းစပ်ရောက်နေချိန်မှာတော့ ရေမကူးတက်တဲ့ကလေးငယ်ရဲ့ရေခွက်လေးဟာ တဖြည်းဖြည်းနဲ့ ရေစီးထဲမှာ မျောရင်း မြင်ကွင်းထဲမှ ပျောက်ကွယ်သွားသတဲ့
နှစ်ယောက်သား မောမောနှင့် ကမ်းစပ်မှာ
ပက်လက်လှန်ကာ အနားယူလိုက်တယ်။
ထို့နောက်ကောင်းကင်ကြီးကို ကြည့်ပြီး
အော်ရယ်လိုက်ကြသတဲ့
သူတို့စိတ်ထဲမှာ အိမ်ပြန်နောက်ကျလို့
မေမေရိုက်မည့်အရေးကို တွေးနေရင်းနဲ့ နှစ်ယောက်သား ထပ်ပြီးကြုံဦးမည့် ဒုက္ခတစ်ခုအတွက် ရယ်မောရင်း အားမွေးလိုက်သတဲ့
ဒီဇာတ်လမ်းလေးဖတ်ပြီး အသိပညာရခဲ့ပြီ မြစ်ကြီးနဲ့တူသော လူ့လောကမှာ ရေစီးသန်တဲ့မြစ်အလယ်လိုပင် အခက်ခဲများစွာ လူကိုပျက်စီးနိုင်စရာများစွာ ပေါများပါတယ်
ဒီအခက်ခဲတွေကို ရေကူးကျွမ်းကျင်သော ကလေးငယ်ရဲ့ မလိုအပ်ပဲ ဒုက္ခမြစ်လည်ကို မိုက်မဲစွာ မကူးလိုက်ပါနဲ့။ ကမ်းစပ်မှာ အေးဆေးချိုးပါ အကယ်၍ ဒုက္ခမြစ်လယ်သို့ ကူးခတ်မိလျှင် ရေခွက်ကဲ့သို့ ဒုက္ခရဲ့ခေါ်ဆောင်ရာသို့ လိုက်မသွားပါနဲ့
ခြေလက်တွေနဲ့တူသော ကြိုးစားမှုဖြင့် အခက်ခဲများကြားက ရုန်းထွက်လိုက်ပါ မရုန်းထွက်နိုင်သရွေ့ရေခွက်လေးကဲ့သို့ ဦးတည်ရာမဲ့စွာဖြင့် အခက်ခဲကြားမှာ ဒုက္ခတွေရဲ့ခေါ်ဆောင်ရာသို့ လိုက်သွားကြပေဦးတော့ .....
#credit...