သင့် RS မှာ ဒီအချက်လေးတွေနဲ့ ကိုက်ညီနေတယ်ဆိုရင် လမ်းခွဲဖို့ပြင်ဆင်သင့်ပါပြီ။
၁။ ပျော်ရွှင်မှု တစ်ကြိမ်အတွက် ရန်မကြာခဏဖြစ်နေရတယ်။
ပြန်တွေးကြည့်ပါ။ တစ်လမှာ ရန်ဖြစ်တဲ့အချိန်နဲ့ ချစ်နေတဲ့အချိန် ဘယ်အချိန်ပိုများလဲလို့။ တကယ်လို့ အမြဲလိုလို ကတောက်ကဆဖြစ်နေတယ်။ ပျော်ရွှင်နေရတဲ့အချိန်ထက် စိတ်ညစ်နေရတယ်ဆိုရင် ဒီ RS ကိုမေးခွန်းထုတ်သင့်ပါတယ်။
၂။ ကိုယ့်အလိုဆန္ဒ ကို အမြဲချိုးနှိမ်ထားရတယ်။
အမြဲလိုလို ကိုယ်ဖြစ်ချင်တာထက် သူဖြစ်ချင်တာကိုပဲလိုက်လျောပေးနေရတယ်။ ကိုယ့်ဆန္ဒ၊ ကိုယ့်လိုအပ်ချက်၊ ကိုယ်မကြိုက်တဲ့အရာတွေကိုကျ သူ့အနေနဲ့ ဂရုမစိုက်ဘူး။ ပြုပြင်မပေးဘူးဆိုရင် မေးခွန်းထုတ်သင့်ပါတယ်။
၃။ နှစ်ယောက်အတူအချိန်ပေးတာနည်းလာတယ်။
အရင်တုန်းကလို ရုပ်ရှင်အတူကြည့်တာ၊ အပြင်အတူသွားတာမျိုးတွေမရှိသလောက်နည်းလာမယ်။
၄။ စိတ်ရှည်သည်းခံတာတွေ ပျောက်ဆုံးလာတယ်။
နှစ်ဦးနှစ်ဖက် ဘာမှမဟုတ်တဲ့ ကိစ္စသေးသေးလေးတွေကအစ စကားများရန်ဖြစ်နေကြမယ်။
၅။ သူမရှိလည်းဖြစ်တာပဲဆိုပြီး တစ်ယောက်တည်းနေချင်စိတ်တွေပိုပိုဖြစ်လာတယ်။
သူနဲ့တွေ့ရတာ၊ သူနဲ့နေရတာ ကိုယ့်အတွက် ဝန်ထုတ်ကြီးတစ်ခုလိုဖြစ်လာတယ်။ သူအနားရှိရင်ကို ကိုယ့်အတွက်အဆင်မပြေဘူး။ ဘူနေသလို ခံစားရမယ်။ တစ်ပြိုင်နက်တည်းမှာလည်း ရုန်းထွက်ချင်စိတ်တွေပေါက်နေမိမယ်။
အထက်ဖော်ပြပါ အချက် ၅ ချက်နဲ့ကိုက်နေပြီဆိုရင်တော့ သင့်စိတ်ခံစားချက်ကို မလိမ်မညာဘဲ တစ်ဖက်လူကို ပွင့်ပွင့်လင်းလင်း တိုင်ပင်ပြောပြသင့်ပါတယ်။ အချစ်စိတ်တွေညှိုးနွမ်းနေတာကိုပြန်လည်ရှင်သန်လာအောင် လုပ်လို့ရပေမယ့် အချစ်စိတ်သေဆုံးသွားတဲ့အရာတစ်ခုကို ရှင်သန်အောင်လုပ်ဖို့ မဖြစ်နိုင်ပါဘူး။
သင်ကော... RS တစ်ခုပြီးဆုံးမယ်မှန်းသိလာတဲ့အခါ ကိုယ့်ဘက်က ဘယ်လိုအချက်လေးတွေကို ရိပ်မိလာလဲ ပြောခဲ့ကြပါဦးနော်။
