Murder of Sylvia Likens
===============
" October 1965 ခုနှစ်က အမေရိကန်တစ်နိုင်ငံလုံး
ထိတ်လန့်ခဲ့ရသော ဖြစ်ရပ်မှန် မှုခင်းတစ်ခု "
နယ်လှည့်ပွဲစျေး ရောင်းသူ လင်မယား နှစ်ယောက်ရှိပါတယ်သူတို့မှာ
သမီးကြီး ဆလ်ဗီယာ နဲ့ သမီးငယ် ဂျန်းနီ ဆိုတဲ့ သမီးနှစ်ယောက်ရှိပါတယ်
သမီးကြီး ဆလ်ဗီယာ မှာ စိတ်ထားရိုးဖြောင့်လှသူဖြစ်ပြီး
ခြေထောက်မသန် ပိုလီယို ဖြစ်နေသောညီမဖြစ်သူ ဂျန်းနီ အပေါ်တွင်လဲ
အနွံတာ ခံသူ တစ်ယောက်ပါ…
တစ်ရက်မှာတော့ သူမ တို့ မိဘ တွေနဲ့ မြို့တစ်မြို့က
ခရစ်ယာန် ဘုရားကျောင်းတွင်တရားဟော သွားနားထောင်စဉ်
ဂါထရု ရဲ့ သမီးတွေ နဲ့ တွေ့ပြီးသူတို့ ညီအစ်မ နှစ်ယောက်ဟာ
ဂါထရု တို့ အိမ်ကို အလည်လိုက်သွားပါတော့တယ်
ကလေးတွေ နဲ့ ပတ်သက်ပြီး အမျိုးသမီးကြီး ဂါထရု နှင့်
ဆလ်ဗီယာ ရဲ့ အဖေ တို့တွေ့ဆုံကြပြီ
ကလေးတွေ ကျောင်းပြောင်းပြောင်းနေရတာ
မလွယ်ကြောင်းအိမ်မှာလဲ သမီးတွေ ရှိလို့ ဆလ်ဗီယာ နဲ့ ဂျန်းနီ ကို
စိတ်ချ လက်ချ အပ်ခဲ့ပါတစ်ပတ် ကို ဒေါ်လာ ၂၀ ပဲ ပေးပါလို့
နားချတော့ဆလ်ဗီယာ အမေနဲ့ တိုင်ပင်ပြီးကလေးတွေကို
ဂါထရု တို့ အိမ်မှာ အပ်ခဲ့တယ်…
တစ်ရက်သော နေ့မှာတော့ ဆလ်ဗီယာ အဖေ ငွေပို့တာ
ရောက်မလာသေးလို့ ဆိုပြီးဆလ်ဗီယာ နဲ့ ဂျန်းနီ ကို
မြေအောက်ခန်းထဲ ခေါ်သွားပြီး တစ်ယောက် ၃ ချက်ကြာပွတ်နဲ့ ရိုက်တယ်
ဂျန်းနီ မှာ မကျန်းမာသူမို့ တစ်ချက်အရိုက်ခံရပြီး ငိုနေလို့
ဆလ်ဗီယာ က ဂျန်းနီ အစား အရိုက်ခံပါ့မယ် ဆိုပြီး
အရိုက်ခံလိုက်ရပါတယ်…
နောက်နေ့ ဆလ်ဗီယာ နဲ့ ဂျန်းနီ တို့ဟာ ကျောင်းနားက
အမှိုက်တစ်ချို့ ကောက်ရောင်းပြီးရတဲ့ ပိုက်ဆံလေးနဲ့ သူတို့ မိဘ တွေဆီ
သွားဖုန်းဆက်ပါတယ်
နေရတာ အဆင်မပြေဘူး ဂါထရုက ပိုက်ဆံပို့ နောက်ကျလို့
စိတ်ဆိုးတယ် ဆိုပြီးမိဘ တွေကို ပြောပြပေမယ့်
အလုပ်ရှုပ်နေတဲ့ မိဘတွေဟာ အဆုံးထိ သေချာနားမထောင်ပါဘူး
နောက် လဆို လာခေါ်ပါမယ် လိမ်လိမ်မာမာ နေကြပါဆိုပြီး
ပြန်ပြောလွှတ်လိုက်တယ်
ဖုန်းဆက်တာကို မြင်သွားတဲ့ ဂါထရု ရဲ့ သမီးတွေက
သူတို့ အမေကို ပြန်တိုင်တဲ့အခါဂါထရုက ပိုက်ဆံခိုးပါတယ်လို့
စွပ်ဆွဲပြီး ဆလ်ဗီယာ ကို ဆေးလိပ်မီး နဲ့
တစ်ကိုယ်လုံးကိုတို့ပြီး နှိပ်စက်ပါတယ်
နောက်ရက်များမှာလဲ ပြသနာမျိုးစုံရှာပြီး
နည်းမျိုးစုံနဲ့ဆလ်ဗီယာ ကို နှိပ်စက်ပြန်ပါတယ်
ဂျန်းနီ အစား သူပဲ ခံတဲ့ အတွက်ဂျန်းနီ အနှိပ်စက်မခံရပေမယ့်
ဆလ်ဗီယာ တစ်ယောက်မျာတော့ သေလုမျှောပါးပါပဲ…
တစ်ရက်မှာတော့ ဂါထရု ရဲ့ သမီးကြီး ကိုယ်၀န်ရှိနေတယ်လို့
လူတကာကို လိုက်ပြောပါတယ်ဆိုပြီးဆလ်ဗီယာ ကို စွပ်ဆွဲပါတယ်
အပြစ်ပေးတယ်ဆိုပြီး တစ်စိမ်းယောင်္ကျားလေးတွေ ရှေ့နဲ့
တစ်အိမ်သားလုံးရှေ့မှာ အပျိုလေး ဆလ်ဗီယာ ကို
မဖွယ်မရာ လုပ်ခိုင်းခဲ့ပြီးမြေအောက်ခန်းထဲ တွန်းချကာ
အစာရေစာ မကျွေးပဲ ကြိုးဖြင့် ချည်နှောင်ထားခဲ့ပါတယ်..
အော်သံတွေကို အိမ်နီးနားချင်းတွေက ကြားပေမယ့်
သူများကိစ္စ၀င်မပါတာကောင်းတယ်ဆိုပြီး
မသိကျိုးကျွန်သာ ပြုနေခဲ့ပါတော့တယ်..
ဂျန်းနီမှာလဲ ဂါထရုက ချောက်ထားသဖြင့် မည်သူ့ကိုမျှ မပြောရဲပဲ
ကျိတ်ငိုနေခဲ့ပါတော့တယ်…
ဆလ်ဗီယာ ကို ချုပ်ထားသည့် ရက်များအတွင် ဂါထရု ၏
အငယ်ဆုံးသား ဂျွန်နီ မှာကျောင်းက ကလေးတစ်ချို့ကို
ခေါ်လာပြီးမြေအောက်ခန်းတွင်း ဆလ်ဗီယာ အား
ခြေထောက်ဖြင့် ကန်ချင်း လက်သီးဖြင့် ထိုးချင်း ရေဖြင့် ပတ်ချင်း ဖြင့်
လူပေါင်းစုံဖြင့်မျိုးစုံ နှိပ်စက်လျက် ရှိပါတော့တယ်..
တစ်ခြား ကောင်လေး တစ်ယောက်ကလဲ ဆယ်ဗီယာ ရဲ့
ရင်ဘတ် နဲ့ ဗိုက်တွေပေါ်မှာ မိန်းမပျက် ဆိုတဲ့ စာတွေကို
တွယ်ချိတ်အပ်ဖြင့် အရှင်လတ်လတ် ထိုးခြစ်ရေးခဲ့ပါသေးတယ်
ဆလ်ဗီယာ မှာ တောင်းပန်ပါတယ် ဆိုတဲ့ စကားသာ
အသံတိုးတိုးလေးပြောနိုင်ပြီး
မျက်ရည်များသာ စီးကျပြီး ဒုက္ခက လွတ်မြောက်ဖို့
ဘုရားမှာသာ ဆုတောင်းနေမိပါတော့တယ်..
ဒီလိုနဲ့ တစ်ရက်မှာတော့ ဆယ်ဗီယာ တစ်ယောက် လောကကြီးကို
အရှုံးပေးပြီး မြေအောက်ခန်းလေးထဲမှာပဲ နှိပ်စက်ခံရတဲ့ ဒဏ်ရာများဖြင့်
သေဆုံးသွားခဲ့ပါတော့တယ်.....
သူများအိမ်တွင် မိမိတို့ သားသမီးများကို ထားတဲ့ အခါ
မိဘတွေ မှာ တာဝန်ပေါ့တယ် ဆိုပေမဲ့ သားသမီးများရဲ့
ဘ၀မှာ စိတ်ဒဏ်ရာတွေ ရလာနိုင်တဲ့ အပြင် အသက်ပါဆုံးရှုံးရတာကို
မိဘများ သတိပြုသင့်ပါတယ်။
ဒီဖြစ်ရပ်မှန်ဇာတ်လမ်းကို An American Crime ဆိုပြီး
ရုပ်ရှင်ပြန်ရိုက်ထားတာ ရှိပါတယ် ကြည့်ချင်တယ်ဆို
မြန်မာစာတမ်းထိုး ဝဘ်ဆိုက်တွေမှာ ရှိပြီး အပြင်ကဖြစ်ရပ်မှန်လောက်
မကြမ်းတမ်းပေမဲ့ တစ်ခါကြည့်ပြီးရင် ထပ်မကြည့်ချင်လောက်အောင်
စိတ်ဆင်းရဲရတဲ့ ဇာတ်ကားမျိုးပဲ ဖြစ်ပါတယ်။
