၂၁ ရာစုမှာ အရှည်ကြာဆုံးအဖြစ် ပရီးမီးယားလိဂ်အိမ်ကွင်း (၉)ပွဲဆက်တိုက် ဂိုးပေးခဲ့ရတဲ့ လီဗာပူးလ်အသင်း
လီဗာပူးလ်အသင်းသည် ပြီးခဲ့သည့်နှစ် ဒီဇင်ဘာလ(၁၇)ရက်နေ့တွင် မန်ယူနိုက်တက်အသင်းနှင့် ဂိုးမရှိသရေသည့်ပွဲနောက်ပိုင်း အိမ်ကွင်းအန်ဖီးလ်တွင် ကစားခဲ့သော ပရီးမီးယားလိဂ်(၉)ပွဲဆက်တိုက် Clean Sheet မရတော့ဘဲ ပွဲတိုင်းကို ဂိုးပေးခဲ့ရသည်။ပြီးခဲ့သည့်ပွဲစဉ်များတွင် တိုက်စစ်က ဂိုးသွင်းနိုင်သဖြင့် နိုင်ပွဲနှင့် သရေပွဲများရခဲ့သော်လည်း ယခုတစ်ပတ်ပွဲစဉ် ခရစ္စတယ်ပဲလေ့စ်နှင့်ပွဲတွင် လီဗာပူးလ်ကစားသမားများက ဂိုးသွင်းခွင့်များစွာကို ဖြုန်းတီးခဲ့ကြ၍ ဂိုးမရဘဲ (ဝ-၁)ဂိုးဖြင့်ရှုံးကာ ယခုရာသီ ပထမဆုံးအိမ်ကွင်းပရီးမီးယားလိဂ် ရှုံးပွဲကို ကြုံ့တွေ့ခဲ့ရသည်။ လီဗာပူးလ်အသင်းအနေဖြင့် (၂၁)ရာစုနှစ်များအတွင်း (၂၀၀၀ ပြည့်နှစ်မှ စ၍) အိမ်ကွင်းတွင် ယင်းကဲ့သို့ (၉)ပွဲဆက်တိုက်အထိ ဂိုးပေးခဲ့ရသည့် အခြေအနေမျိုးမကြုံတွေ့ဖူးဘဲ ယခုအချိန်အကြာဆုံး အိမ်ကွင်း Clean Sheet ပျောက်ဆုံးမှုကို ကြုံတွေ့နေရခြင်းဖြစ်သည်။ယခင်က ယခုကဲ့သို့ အိမ်ကွင်း(၉)ပွဲဆက်တိုက် နောက်ဆုံးအနေဖြင့် ဂိုးပေးခဲ့ရခြင်းမှာ (၁၉၉၈) ဒီဇင်ဘာလမှ (၁၉၉၉) မေလအထိ ဂိုးပေးခဲ့ရခြင်းဖြစ်သည်။
