ဒူဘိုင်းမှာ ရေကြီးနေတာ Cloud Seeding နဲ့ဆိုင်လား?
အရင်ဆုံးနှစ်သစ်မှာ ဖုန်းအကြောင်းတွေမပြောသေးပဲ ဖတ်မိတဲ့ Article အကြောင်းနဲ့ပတ်သက်ပြီး လေ့လာမိထားတာကိုပြောပြပါဦးမယ်။ Cloud Seeding အကြောင်းပေါ့။
Cloud Seeding ဆိုတာ ဒေသတစ်ခုမှာ မိုးမရွာတဲ့အခါ မိုးရွာနိုင်အောင် လေယာဥ်တွေ၊ မိုးပျံဘောလုံးတွေသုံးပြီး မိုးရွာလာအောင် ဖန်တီးတဲ့ နည်းပညာတစ်ခုလို့ အကြမ်းဖျဥ်းမှတ်ယူနိုင်ပါတယ်။ Cloud Seeding လုပ်ဖို့အတွက် တိမ်တွေပေါ်ကို Silver Iodide လို့ခေါ်တဲ့ အမှုန်တွေကို ကြဲချပြီး ငွေ့ရည်ဖွဲ့စေပါတယ်။ ငွေ့ရည်ဖွဲ့ရင်းတိမ်တွေက မိုးရွာချဖို့ လုံလောက်တဲ့ ပမာဏရတဲ့အခါ မိုးရွာလာမှာပါ။ အနီးစပ်ဆုံး အိမ်နီးချင်းထိုင်းမှာပါ ဒီနည်းပညာကိုသုံးနေပါပြီ။ ဒူဘိုင်းလို ချမ်းသာပြီး တိုးတက်တဲ့နိုင်ငံဆိုရင် ပြောစရာတောင်မလိုပါဘူး။
ဒူဘိုင်းအနေနဲ့က မိုးရွာပြီး ရေရှားပါးမှုကိုကာကွယ်ဖို့၊ ရာသီဥတုထိန်းညှိဖို့အတွက် Cloud Seeding ကိုသုံးနေခဲ့ပေမယ့် ဒီတစ်ခါဖြစ်နေတဲ့ မိုးရွာပြီး ရေကြီးတဲ့ကိစ္စကတော့ Cloud Seeding နဲ့မဆိုင်ပဲ ရာသီဥတုဖောက်ပြန်တာဖြစ်တယ်လို့ မိုးလေဝသပညာရှင်အများစုက သုံးသပ်ထားပါတယ်။
ဒူဘိုင်းမြို့အနေနဲ့ ဒီလောက်များတဲ့ မိုးပမာဏကို ထိန်းသိမ်းဖို့ ရေနှုတ်မြောင်းတွေ၊ ဆက်သွယ်ရေးစနစ်တွေကို တည်ဆောင်ထားတာမဟုတ်လို့ အတော်လေးတိုင်ပတ်နေပါတယ်။ ခုလောလောဆယ်တော့ ဒူဘိုင်းမှာ လေယာဥ်တွေ Delay ဖြစ်၊ လူအသေအပျောက်တွေလည်းရှိနေပါတယ်။ ဒူဘိုင်းမှာ EV စီးတဲ့သူတွေလည်း အတော်လေးစိတ်ညစ်နေမယ်ထင်ပါတယ်။
