ကျည်မဖောက်၊ တုတ်မရောက်တဲ့ မှန်တွေဆိုတာ သိကြားမင်း ဖန်ဆင်းပေးထားလို့မဟုတ်ပါဘူး။
ကိုယ်တိုင် ထုတ်လုပ်ရတဲ့ သာမန်မှန်တွေပါပဲ။
အဲလိုမှန်တွေကို Laminated Glass တွေလို့ လူသိများကြပါတယ်။
Laminated= ပူးထားသော/ ကပ်ထားသော
Laminated Glass= ပူးထားသော/ ကပ်ထားသော မှန်လို့ အဓိပ္ပါယ်ရပါတယ်။
ဘာနဲ့ ပူးသလဲ?
မှန်ချပ်တွေရဲ့ ကြားထဲမှာ PVB ဖလင် လို့ လူသိများတဲ့ (Polyvinyl Butyral Film) ကို ညှပ်ပြီးတော့မှ ပူးထားတာပါ။
အဲဒီ PVB ဖလင်မှာလည်း အထူတွေ အမျိုးမျိုး ရှိပါသေးတယ်။ 0.38 mm လောက်ကနေ 3.76 mm/ 7mm… စသဖြင့်ပေါ့။
ဖလင်က ပါးရင် Securrity အတွက် သိပ်စိတ်မချရပါဘူး။ သူတို့က မှန်နှစ်ချပ်ကို ကပ်ရုံ ကပ်ပေးတဲ့ တာဝန်ပဲ ထမ်းဆောင်ပါတယ်။
ဖလင်ထူရင်တော့
၁) မှန်အချင်းချင်း ကပ်ပေးတဲ့ တာဝန်နဲ့
၂) လုံခြုံရေးတာဝန် တို့ကိုပါ စွမ်းဆောင်ပေးနိုင်ပါတယ်။
ဒီဖလင်တစ်ခုနဲ့တော့ မပြီးသေးပါဘူး။ သူ့ကို ပါရမီဖြည့်ပေးရမှာက “မှန်”ပါ။
မှန်က Tempered သွင်းထားပြီး အနည်းဆုံးတော့ 6 mm to 8 mm လောက်တော့ ထူရပါမယ်။ မှန်သုံးချပ်ကို ဖလင်အထူနှစ်ခုလောက်နဲ့ ကပ်ထားရပါမယ်။
ဒီလောက်ဆိုရင်တော့ “ကျည်မပေါက်၊ တုတ်မရောက်နိုင်တဲ့” Bulletproof မှန်တွေကို ရသွားပါပြီ။
အပေါ်မှာ ပြောခဲ့တဲ့အတိုင်း မှန်ထုတ်ပြီး သင့်အိမ်မှာ တပ်ထားလိုက်ရုံနဲ့ တကယ်ကျည်ကာပြီလားဆိုတော့ မဟုတ်သေးပါဘူးနော်။ အဲ့မှန်ကို ထိန်းထားတဲ့ ဖရိန်(Profile)တွေက ဘယ်လောက်အထူကို သုံးမှာလဲ ဆိုတာ တွက်ချက် တပ်ဆင်တတ်ဖို့ကလည်း အရေးကြီးပါသေးတယ်။
ဒီအပိုင်းကတော့ Technical ပိုင်းတွေဖြစ်တဲ့အတွက် စိတ်ဝင်စားသူတွေများရင် ထပ်တင်ပေးပါမယ်နော်။
Crd:EVEREST Aluminium