2017 ခုနှစ်မှာ ဒမ်ဘီလီဟာ ဒေါ့မွန်ကနေ နေမာနေရာကို အစားထိုးဖို့ဆိုပြီး ယူရို 105 သန်းနဲ့ ဘာဆာကို ရောက်လာခဲ့တယ်။ ဒါပေမဲ့ လောက်လောက်လားလား ခြေစွမ်းမျိုးမပြနိုင်ခဲ့ဘူး။ ရာသီတိုင်းမှာ ပွဲ 20 ပြည့်အောင်ကန်ဖို့တော-င် အနိုင်နိုင်ဖြစ်ခဲ့ပြီး၊ အချိန်အများစုကို ဒ-ဏ်ရာပြသာနာတွေကြောင့် ဆေးရုံမှာပဲ အချိန်ကုန်ဆုံးနေခဲ့ရတယ်။
ဒီလိုနဲ့ ဘာဆာမှာ 6 ရာသီကြာဖြ-တ်သန်းခဲ့ပြီးတဲ့နောက် ဇာဗီရဲ့လက်အောက်မှာ ပြန်လည်တောက်ပလာကစ ရှိနေတုန်းမှာပဲ စာချုပ်သစ်ကမ်းလှမ်းမှုကို ငြင်းပယ်ပြီး၊ ယူရိုသန်း 50 တည်းနဲ့ ပီအက်စ်ဂျီကို ပြောင်းရွှေ့သွားခဲ့တယ်။
ပြီးခဲ့တဲ့အပတ်မှာ အသင်းဟောင်းနဲ့ ချန်ပီယံလိဂ်ကွာတားဖိုင်နယ်မှာပြန်တွေ့တော့ သူ ဘာဆာကို ဂိုးသွင်းပြီး အောင်ပွဲခံတယ်။ ဒုတိယအကျော့ကျတော့လည်း သူထပ်သိပ်ပြန်တယ်။
နောက်ဆုံး သူရဲ့အသင်းဟောင်းကို ချန်ပီယံလိဂ်ကနေထွက်ခွာဖို့ သေချာသလောက် ဖြစ်သွားစေမဲ့ပယ်နယ်တီကိုပါ ဖန်တီးပေးခဲ့တယ်။
ပယ်နယ်တီရသွားချိန်မှာ သူ့ရဲ့အောင်ပွဲခံနေဟန်၊ ပွဲချိန် 88 မိနစ်မှာ သူ့ကိုလူစားလဲလိုက်တော့ အရန်ခုံတန်းက သူ့ရဲ့ပြုံးပျော်နေပုံက ဘာဆာပရိသတ်တွေကို ခံပြင်းစရာဖြစ်စေခဲ့တယ်။ ပွဲပြီးတော့လည်း အကောင်းဆုံးကစားသမားအဖြစ်နဲ့ ကတ်တလန်မြေကနေ ထွက်ခွာသွားခဲ့တယ်။
ဒီတစ်ရာသီလုံးမှာ 3 ဂိုးပဲသွင်းထားနိုင်တဲ့ ဒမ်ဘီလီက အဲ့ထဲက 2 ဂိုးက အသင်းဟောင်း ဘာစီလိုနာဘက်ကိုတဲ့....
ဘာဆာဖန်တွေတော့ ဒမ်ဘီလီကို တော်တော်လေး ကြည့်မရဖြစ်နေမှာ အသေအချာပါပဲ။ ဒါပေမဲ့မခံချိမခံသာဖြစ်ရုံကလွဲပြီး၊ ဘာမှလည်း တတ်နိုင်မှာမဟုတ်ပါဘူး။
ဒမ်ဘီလီကတော့ အသင်းဟောင်းနဲ့ပြန်တွေ့တဲ့ နှစ်ကျော့စလုံးမှာ အကောင်းဆုံးကစားသွားခဲ့ပြီး၊ အသင်းဟောင်းကိုရော၊ ပရိသတ်တွေကိုပါ အသည်းခွဲသွားခဲ့ပါတယ်။
#footballcorner
