ယခုနှစ်တွင် ဗီယက်နမ်-တရုတ် ကုန်သွယ်မှု ဘီလီယံ ၅၀ အထိရှိနိုင်
-----------------------
၂၀၂၅ ခုနှစ်အတွင်း ဗီယက်နမ်-တရုတ် နှစ် ကုန်သွယ်မှုပမာဏမှာ အမေရိကန်ဒေါ်လာ ၅၀ ဘီလီယံအထိ ရှိမယ် လို့ ခန့်မှန်းထားကြောင်း တရုတ် စက်မှုနှင့်ကုန်သွယ်မှုဝန်ကြီးဌာနက ထုတ်ပြန်ထားပါတယ်။ တရုတ်ဟာ ဗီယက်နမ်ရဲ့ ထိပ်တန်းကုန်သွယ်ဖက်နိုင်ငံဖြစ်ပြီး ပြီးခဲ့တဲ့ ၂၀၁၂ ခုနှစ်ကစတင်ကာ နှစ်နိုင်ငံကုန်သွယ်မှုတန်ဖိုး အမေရိကန်ဒေါ်လာ ၄၁ ဒသမ ၁ ဘီလီယံအထိ ရောက်ရှိခဲ့တာ ဖြစ်ပါတယ်။
ဗီယက်နမ်က အဓိကတင်ပို့နေတဲ့ စိုက်ပျိုးရေးထွက်ကုန်တွေကတော့ သစ်သီးဝလံနဲ့ ဟင်းသီးဟင်း ရွက်တွေ၊ သီဟိုဠ်စေ့၊ ကော်ဖီ၊ လက်ဖက်၊ ဆန်၊ ရော်ဘာနဲ့ ပီလောပီနံတို့ ဖြစ်ပြီး ဆန်နဲ့ ကော်ဖီတင်ပို့မှုက ပမာဏ အများဆုံး ဖြစ်ပါတယ်။
ပြီးခဲ့တဲ့ ၂၀၁၃ ခုနှစ် ဧပြီလအတွင်းက ဟနွိုင်းမြို့မှာ ကျင်းပခဲ့တဲ့ တရုတ်-ဗီယက်နမ် စီးပွားရေးနဲ့ ကုန်သွယ်မှု ပူးပေါင်းဆောင်ရွက်ရေး ကော်မတီမှာ ရေရှည်တည်တံ့ပြီး ပွင့်လင်းမြင်သာမှုရှိတဲ့ တရားဥပဒေကြောင်းအရ ပူးပေါင်းဆောင်ရွက်ရေး နားလည်မှုစာချွန်လွှာ လက်မှတ်ရေးထိုးခဲ့ကြတာ ဖြစ်ပါတယ်။
