အသင်း ၄ သင်းနှင့် ဒေးဗီးစ်အေးဂျင့် ဆွေးနွေးနေ
----------------------------
ဘိုင်ယန်မြူးနစ်အသင်းနဲ့ စာချုပ်သက်တမ်း ၆ လသာကျန်တော့တဲ့ ဘယ်နောက်ခံလူ အယ်ဖွန်ဆို ဒေးဗီးစ်ရဲ့ အေးဂျင့်ဟာ အခုဇန်နဝါရီကာလအတွင်း ဥရောပထိပ်တန်းကလပ်အသင်း ၄ သင်းနဲ့ဆွေးနွေးမှုတွေ ပြုလုပ်နေ ပါတယ်။ ဘိုင်ယန်မြူးနစ်အသင်းနဲ့ ဒေးဗီးစ်တို့ရဲ့ စာချုပ်သစ်ဆွေးနွေးမှုက သဘောတူညီမှုမရခဲ့တာကြောင့် ရာသီကုန်မှာ ဒေးဗီးစ်ကို အလွတ်ပြောင်းရွှေ့ကြေးနဲ့ ခေါ်ယူနိုင်မှာဖြစ်ပါတယ်။
စပိန်ကလပ် ရီးရဲလ်အသင်းက ဒေးဗီးစ်ကို ကာလရှည်ပစ်မှတ်ထားစောင့်ကြည့်နေခဲ့တာဖြစ်သလို လက်ရှိမှာလည်း ဒေးဗီးစ်ကို ခေါ်ယူနိုင်ဖို့ အတွက် အနီးစပ်ဆုံးအခြေအနေမှာ ရှိနေပါတယ်။ ဒါ့အပြင် ပရီးမီးယားလိဂ်အသင်းတွေ ဖြစ်ကြတဲ့ မန်ယူ၊ မန်စီးတီးနဲ့ လီဗာပူးအသင်းတို့ကလည်း ဒေးဗီးစ်ကို ခေါ်ယူဖို့အတွက် ဒေးဗီးစ်ရဲ့အေးဂျင့်ဖြစ်သူ ဆီကို ချိတ်ဆက် မှုတွေ ပြုလုပ်လာခဲ့တယ်လို့ သတင်းတွေကဖော်ပြနေကြပါတယ်။
အသက် ၂၄ နှစ်အရွယ် ဒေးဗီးစ်ဟာ ၂၀၁၉ မှာ ဘိုင်ယန်မြူးနစ်အသင်းကြီးအတွက် စတင်ကစားပေးခဲ့ပြီး လက် ရှိမှာ ဘိုင်ယန်မြူးနစ်အသင်းအတွက် ပြိုင်ပွဲစုံ ၂၁၈ ပွဲကစားပေးထားပြီး ၁၂ ဂိုးသွင်းယူပေးထားပါတယ်။ ဘယ် နောက်ခံလူနေရာအပြင် ဘယ်တောင်ပံတိုက်စစ် မှာပါ ကစားနိုင်တဲ့ ဒေးဗီးစ်ကို ခေါ်ယူမယ့် အသင်းအနေနဲ့ ပြောင်းရွှေ့ကြေးမကုန်ကျနိုင်ပေမဲ့ တစ်နှစ်လုပ်လစာ ယူရို သန် ၂၀ အထိ အသုံးပြုရဖွယ်ရှိနေတယ်လို့ သိရပါ တယ်။
