တစ်မိသားစုလုံးကို မီးထဲကနေ ကယ်တင်နေခဲ့တဲ့ ၆ နှစ်သမီး

နေအိမ်မီးလောင်ချိန်မှာ ၆ နှစ်သမီးလေးရဲ့ ဆုံးဖြတ်ချက် မြန်ဆန်မှု၊ ရဲရင့်မှုတွေကြောင့် သူ့မိသားစုတစ်စုလုံး အသက်ဘေးကနေ လွတ်မြောက်ခဲ့ပါတယ်။ ဗြိတိန်နိုင်ငံ နော့ခ်ယော့ရှိုင်းယားကောင်တီမှာ နေထိုင်တဲ့ အိုလီဗီယာပက်တာဆန်ဟာ ဧပြီလ ၄ ရက်နေ့က သူငယ်ချင်းတစ်ယောက်နဲ့အတူ အိမ်အပြင်ဘက်မှာ ကစားနေရင်း သူ့အိမ်ထဲကနေ မီးခိုးတွေ ထွက်နေတာ တွေ့လိုက်ရပါတယ်။

သူ့မိသားစု အန္တရာယ်ကြုံနေရမှန်း သိလိုက်ရတဲ့နောက် အိုလီဗီယာက မီးလောင်နေတဲ့အိမ်ထဲ ပြေးဝင်သွားခဲ့ပါတယ်။ အဲဒီအချိန်မှာ သူ့အမေ လော်ရာနဲ့ သူ့ညီမလေး ၂ ယောက်က ဆိုဖာပေါ်မှာ အိပ်ပျော်နေကြတာပါ။ အိုလီဗီယာက သူတို့ကို နိုးပြီး အိမ်မီးလောင်နေကြောင်း ပြောခဲ့တာပါ။ ဒါကြောင့် သူတို့အားလုံး အိမ်ထဲကနေ အချိန်မီ ထွက်လာနိုင်ခဲ့ပါတယ်။

သူတို့ဘေးအိမ်ကနေ မီးစလောင်ပြီး သူတို့အိမ်ခေါင်မိုးကို မီးကူးစက်ခဲ့တာပါ။ မီးလောင်မှုကြောင့် အိုလီဗီယာတို့နေအိမ်ကတော့ ရစရာမရှိအောင် ပျက်စီးသွားခဲ့ပါတယ်။ ဖြိုချပြီး ပြန်ဆောက်ရမယ့် အခြေအနေပါ။ သူတို့ရဲ့ ဆုံးရှုံးနစ်နာမှုကို စိတ်မကောင်းဖြစ်သွားတဲ့ လော်ရာရဲ့ ကျောင်းနေဖက်ဟောင်းတစ်ဦးက ရန်ပုံငွေရှာဖွေပေးရာမှာ အလှူရှင်တွေ ထွက်ပေါ်လာခဲ့ပြီး ဒေါ်လာ ၅၀၀၀ နီးပါး ရရှိခဲ့ပါတယ်။

Ref:Six-Year-Old Hero Saves Entire Family From Devastating House Fire