Part-3
*အမှတ်တရ ဆရာနိုး
မြောက်ဥက္ကလာပမှာဖွင့်တဲ့ ဒို့ကျောင်းသားမှာ ဆရာနိုး လာသင်နိုင်အောင် သူ့အချိန်ကို ညနေပိုင်းမှာ ထားပေးပါတယ်။ သူ့စာသင်ချိန်ပြီးတော့ ကျွန်တော်တို့ ညစာကို ဝိုင်းဖွဲ့ စားသောက်ကြပါတယ်။ ကျွန်တော့်နေရာက (၅)ကားဂိတ်ဆုံးနဲ့ နီးတော့ ဆရာနိုးကို ၅ ကားဂိတ်ကနေ ရန်ကုန်အထိ ကျွန်တော်လိုက်ပို့လေ့ရှိပြီး၊ ဆူးလေမှတ်တိုင်မှာ ဆရာနိုးဆင်းသွားပြီးနောက် အဲဒီကားက မြောက်ဥက္ကလာ ပြန်ကွေ့တာမို့ ကျွန်တော် အဆင်ပြေပြေ အိမ်ပြန်ခဲ့ပါတယ်။ ဒါ..သူလာ စာသင်တဲ့ ရက်တိုင်း ကျွန်တော် ပြန်လိုက်ပို့ခဲ့တာပါ။ ညကား လူရှင်းတဲ့အတွက် စကား ပြောလို့ အလွန်ကောင်းပါတယ်။
ဆရာနိုးဟာ ပုပ္ပါးနဲ ့ ပုဂံကို အလွန်ချစ်ပါတယ်။ ရဲဘော်ရဲဘက်တွေ၊ သူငယ်ချင်းမိတ်ဆွေတွေ၊ မိသားစုတွေနဲ့ အကြိမ်ကြိမ် အခေါက်ခေါက် မရိုးနိုင်အောင် သွားခဲ့တာပဲ။ ပုပ္ပါးနဲ့ ပုဂံကိုချစ်သလို ကျိုက်ထီးရိုးကိုလည်း ချစ်ပါတယ်။ ကျိုက်ထီးရိုးခရီးကိုလည်း သူ မရိုးနိုင်ပါဘူး။
တချို့လူတွေက ဆရာနိုး စာသင်တဲ့အခါ နိုင်ငံရေးကိစ္စတွေပါ ထည့်သွင်း ဟောပြောမှာလို့ ထင်ကြေးနဲ့ ပြောကြရေးတတ်ကြတယ်။ မှားပါတယ်။ ဆရာနိုး စာသင်ရာမှာ အပိုစကားမပါဘဲ အင်္ဂလိပ်စာကိုပဲ ကျောင်းသားများ နားလည် သဘောပေါက်အောင် သင်တတ်သူပါ။ အင်္ဂလိပ်စာ အသင်အပြ အလွန်ကောင်းတဲ့ ဆရာတစ်ဦး ဖြစ်ပါတယ်။
ရိုးသားတည်ကြည်သူ ဆရာနိုးကို ဦးညွှတ်လျက်...။
မောင်မျိုးမြတ်
