ကျောက်ကပ်မှာ အမှုန်အမွှားတွေ အနည်ထိုင်လာတဲ့အခါဘာတွေဖြစ်လာနိုင်သလဲ...?
ကျောက်ကပ်ထဲမှာ သတ္တု အမှုန်အမွှားတွေ၊ ဆားတွေ စုပုံအနည်ထိုင်ပြီး အစိုင်အခဲ ဖြစ်လာတဲ့အခါ အကြောင်းတစ်ခုခုကြောင့် ဒီအနည်တွေနဲ့ အဆိပ်အတောက်တွေကို ကျောက်ကပ်က မစွန့်ထုတ်နိုင်ပါက ကျောက်ကပ်ကျောက်တည်ခြင်းရောဂါကို ခံစားရနိုင်ပါတယ်။
ကျောက်ကပ် ကျောက်တည်ခြင်းဟာ အဖြစ်များတဲ့ ကျန်းမာရေးပြဿနာတစ်ခုဖြစ်ပြီး ရေသောက်နည်းသူ၊ မကြာခဏ ဆီးအောင့်တတ်သူ၊ အသားစားများသူ၊အဝလွန်သူတွေအပြင် အစာအိမ်နှင့် အူလမ်းကြောင်း ခွဲစိတ်ဖြတ်တောက်ထားဖူးတဲ့သူတွေလည်း ဖြစ်နိုင်ခြေ ရှိပါတယ်။
ဒါ့အပြင် ဆီးဆေးများ၊Calcium အားဖြည့်ဆေးများ၊Vitamin C အားဖြည့်ဆေး၊ဝမ်းပျော့ဆေးတို့လို အလွန်အကျွံ သောက်သုံးသူတွေလည်း ကျောက်ကပ် ကျောက်တည်ခြင်းကို ခံစားရနိုင်ပါတယ်။
ကျောက်ကပ်ကျောက်တည်ခြင်းရဲ့ ရောဂါလက္ခဏာတွေကတော့-
- ခါးဘေးဖက်နှင့်နောက်ကျောဖက် စူး၍နာခြင်း
- ဆီးသွားသည့်အခါ အဝါရောင်များဖြစ်ခြင်း
- ဆီးတွင်းသွေးပါခြင်း
- ဆီးသွားတဲ့အခါနာကျင်ခြင်း
- ပျို့ခြင်း၊အန်ခြင်း
- ပိုးဝင်ခဲ့လျှင် ချမ်းတုန်၍ဖျားခြင်းတွေ ခံစားရတတ်ပါတယ်။
ဒီလိုရောဂါလက္ခဏာတွေ ပြနေသည့်တိုင်အောင် ကုသမှုခံယူခြင်းမရှိတဲ့အခါမှာတော့ နောက်ဆက်တွဲ ဆိုးကျိုးအနေနဲ့ ကျောက်ကပ်ရောင်ခြင်းကနေ ကျောက်ကပ်ပျက်စီးသည်အထိ ဆိုးရွားတဲ့ရောဂါအခြေအနေတွေကို ရင်ဆိုင်ရတတ်ပါတယ်။
#ကျန်းမာရေးဗဟုသုတ
