(အယ်ဟီလယ် (၂-၁) အယ်လ်နာဆာ) - ဆယ်ကျော်သက်တစ်ယောက်လို နိုင်လိုစိတ် ပြင်းထန်နေဆဲ ရော်နယ်ဒို
…………….......................
ဆော်ဒီ ဆူပါကပ်မှာတော့ ရော်နယ်ဒိုရဲ့ အယ်လ်နာဆာ အသင်းဟာ ပြိုင်ဘက်ကြီး အယ်ဟီလယ်ကို ရှုံးပြီး ထွက်သွားခဲ့ရပါတယ်။
အယ်ဟီလယ်က ၂ ဂိုးပြတ် သွင်းယူထားပြီးချိန် ပွဲချိန် ၈၆ မိနစ်မှာ ရော်နယ်ဒို အနီကဒ်နဲ့ အထုတ်ခံခဲ့ရပါတယ်။
လက်ပစ်ဘော မြှောက်ခါနီးမှာ ရော်နယ်ဒိုဟာ ပြိုင်ဘက် ကစားသမားကို စိုးလင်းဦးစတိုင် ရိုးရာလက်ဝှေ့တံတောင်နဲ့ ထောင်းခဲ့ပြီး သွေးသစ်ဝင်းလှိုင်စတိုင် ကပ်တံတောင်၊ ပင့်လက်သီးနဲ့ ချုပ်ဒူးတွေပါ ဆက်တိုက် ဝင်ဖို့ လုပ်ခဲ့တာပါ။
ဒါပေမယ့် ရော်နယ်ဒိုက စိုးလင်းဦးမဟုတ်သလို ဆော်ဒီဆူပါကပ်ကလည်း ONE Friday Fights မဟုတ်တာကြောင့် ကွင်းလယ်ဒိုင်က Goat ကြီးကို တိုက်ရိုက် အနီကဒ်နဲ့ ထုတ်ပယ်လိုက်တာ ဖြစ်ပါတယ်။
ရော်နယ်ဒိုကတော့ အသက် ၃၉ နှစ် ရှိပြီ ဖြစ်ပေမယ့် အသက် ၁၉ နှစ်အရွယ် ဆယ်ကျော်သက်လူငယ်လေးလို အသင်းရှုံးနိမ့်နေချိန်မှာ နိုင်လိုစိတ် ပြင်းစွာနဲ့ ပေါက်ကွဲခဲ့တာလည်း ဖြစ်ပါတယ်။
ဒီနောက်မှာတော့ အယ်လ်နာဆာအတွက် မာနေး ချေပဂိုး တစ်ဂိုး သွင်းခဲ့ပေမယ့်လည်း အဆုံးမှာတော့ ရှုံးနိမ့်ပြီး ဖလားကနေ ထွက်ခဲ့ရပါပြီ။
