သားဖြစ်သူကို ပျိုးထောင်ရာမှာ ကူညီပေးခဲ့လို့ ဂျက်ကီချမ်းကို ကျေးဇူးတင်စကားဆိုခဲ့တဲ့ ဝီလ်စမစ်

ကမ္ဘာကျော်ဟောင်ကောင်မင်းသားကြီး ဂျက်ကီချမ်းဟာ ဧပြီ ၇ ရက်နေ့က အသက် ၇၀ ပြည့်မြောက်သွားခဲ့တာပါ။ ဟောလိဝုဒ်မင်းသားကြီး ဝီလ်စမစ်က အခုလို အသက် ၇၀ ပြည့်မြောက်သွားတဲ့ ဂျက်ကီချမ်းကို သူ့သား ဂျေဒန်စမစ်နဲ့ The Karate Kid မှာ ပါဝင်ခဲ့စဉ်က သူ့မိသားစုအပေါ် ထားခဲ့တဲ့ ချစ်ခြင်းမေတ္တာတွေအတွက်ကျေးဇူးတင်စကားဆိုတဲ့ ပို့စ်တစ်ခုနဲ့ မွေးနေ့ဂုဏ်ပြုပေးခဲ့ပါတယ်။

ဂျက်ကီနဲ့ ဂျေဒန်တို့အတူရိုက်ထားတဲ့ ဓာတ်ပုံတွေနဲ့ ဝီလ်စမစ်က "အသက် ၇၀ ပြည့်မွေးနေ့မှာ ပျော်ရွှင်ပါစေ..ကျွန်တော့်ရဲ့အကြိုက်နှစ်သက်ဆုံးဇာတ်ကားတချို့ကို ဖန်တီးပေးတာအပြင် ရိုက်ကူးသမျှ အမိုက်အစားအခိုက်အတန့်တချို့ကိုလည်း ဖန်တီးပေးခဲ့ပါတယ်။ ဂျေဒန်ကို ပျိုးထောင်ရာမှာ ကူညီပေးခဲ့တဲ့အတွက် ပိုပြီး ကျေးဇူးတင်ရပါတယ်။ The Karate Kid ရိုက်ကူးစဉ်အတွင်း ပေကျင်းမှာ မင်းနဲ့အတူရှိခဲ့တဲ့ချိန် ကျွန်တော့်တို့မိသားစုအပေါ် ချစ်ခြင်းမေတ္တာတွေထားခဲ့တယ်။ အနာဂတ်မှာ အနက်ရှိုင်းဆုံးချစ်ခြင်းမေတ္တာတွေရပါစေလို့ ဆုတောင်းပေးပါတယ်"လို့ ရေးသားခဲ့တာဖြစ်ပါတယ်။

Ref: Will Smith thanks Jackie Chan for 'helping to raise' Jaden