နှစ်သစ်ကူးကာလအတွင်း ကမ္ဘာလှည့်ခရီးသွားလုပ်ငန်းက ဝင်ငွေ ဒေါ်လာ ၁.၈ ဘီလျံရရှိမယ်လို့ ထိုင်းနိုင်ငံ မျှော်လင့်ထား

နိုင်ငံတကာ၊ ဒီဇင်ဘာ ၂၆

အရှေ့တောင်အာရှမှာ ဒုတိယစီးပွားရေးအကောင်းဆုံးနိုင်ငံဖြစ်တဲ့ ထိုင်းနိုင်ငံဟာ လာမယ့်နှစ်သစ်ကူးပွဲတော် တွေအ တွင်း ကမ္ဘာလှည့်ခရီးသွား ထပ်ကိန်းတိုးဝင်ရောက်လာပြီး တိုင်းပြည်အတွက် ဘတ်ငွေ ၆၂ ဘီလျံ (ဒေါ်လာ ၁.၈ ဘီလျံ) ရရှိနိုင်မယ်လို့ မျှော်လင့်ထားပါတယ်။

၂၀၂၅ ခုနှစ် နှစ်သစ်ကူးကာလမှာ နိုင်ငံခြားသားကမ္ဘာလှည့်ခရီးသွားဦးရေ ၁.၅၆ သန်း ရောက်ရှိလာနိုင်ပြီး ဘတ်ငွေ ၄၅ ဘီလျံ ရရှိနိုင်တယ်လို့ ခန့်မှန်းထားကြောင်း၊ ဒီပမာဏဟာ အရင်နှစ်တွေထက် ၁၆% ကနေ ၂၀% အထိ မြင့်တက်ဖွယ်ရှိ ကြောင်း ထိုင်းကမ္ဘာလှည့်ခရီးသွားအာဏာပိုင်အဖွဲ့ TAT အုပ်ချုပ်ရေးမှူး ထာပနီးကီယတ်ဖိုင်ဘိုးလ်က ပြောပါတယ်။

ဒါ့အပြင် အဆိုပါကာလအတွင်း နိုင်ငံတွင်းက ထိုင်းလူမျိုးခရီးသွား ၄.၄၁ သန်းလည်း ခရီးသွားလာဖို့ ခန့်မှန်းထားပြီး ဒီ အရေအတွက်ဟာ ပြီးခဲ့တဲ့နှစ်ထက် ၂၉% မြင့်တက်လာတာဖြစ်တယ်လို့ ဆိုပါတယ်။

ထိုင်းခရီးသွားတွေဆီကလည်း ဘတ်ငွေ ၁၇ ဘီလျံရရှိနိုင်ပြီး အဲဒီပမာဏာဟာ ပြီးခဲ့တဲနှစ်ထက် ၃၀% မြင့်တက်လာမှာ ဖြစ်တယ်လို့ ဆိုပါတယ်။

နိုင်ငံပေါင်း ၉၃ နိုင်ငံအတွက် ဗီဇာကင်းလွတ်ခွင့်နဲ့ ပြည်ဝင်ခွင့် လုပ်ထုံးလုပ်နည်းများ ပိုမိုအဆင်ပြေချော မွေ့အောင် ဆောင်ရွက်ပေးခြင်းအပါအဝင် “ခရီးသွားလာခွင့် ဖြေလျှော့မှုအစီအစဉ်” အရလည်း ကမ္ဘာလှည့် ခရီးသွားတွေ ပိုမိုဝင်ရောက်လာမယ်လို့ ခန့်မှန်းထားပါတယ်။

ဒါ့အပြင် တရုတ်ပြည်မကြီး၊ တောင်ကိုရီးယား၊ ထိုင်ဝမ်၊ အိန္ဒိယ၊ စကင်န်ဒီနေဗီယာနိုင်ငံများနဲ့ ပြင်သစ်နိုင်ငံတို့လို အဓိက ဈေးကွက်တွေအတွက်လည်း လေကြောင်းလိုင်းအသစ် ၃၀ ထက်မနည်း တိုးချဲ့ပြေးဆွဲနေတဲ့အတွက် ကမ္ဘာလှည့်ခရီး သွားဝင်ရောက်မှုနှုန်း ထပ်မံတိုးမြင့်လာမယ်လို့ မျှော်လင့်ထားကြောင်း TAT အုပ်ချုပ်ရေးမှူးက ပြောပါတယ်။

နှစ်သစ်ကူးပွဲတော်ကာလအတွင်း သွားရောက်လည်ပတ်ဖို့ ထိုင်းနိုင်ငံရဲ့နာမည်ကျော်ကြားမှုကလည်း ကမ္ဘာလှည့်ခရီးသွားတွေ ပိုမိုဝင်ရောက်လာဖို့အတွက် တွန်းအားတစ်ရပ်ဖြစ်ပါတယ်။

ထိုင်းနိုင်ငံဟာ ကမ္ဘာပေါ်က နှစ်သစ်ကူးကာလအတွင်း သွားရောက်လည်ပတ်ဖို့ အကောင်းဆုံးနိုင်ငံ ၂၀ ထဲမှာပါဝင်ကြောင်း ခရီးသွားမဂ္ဂဇင်းတစ်စောင်ဖြစ်တဲ့ Condé Nast Traveler မဂ္ဂဇင်းလို နိုင်ငံတကာ မီဒီယာတွေမှာ အသိအမှတ် ပြုဖော်ပြထားပါတယ်။

ထိုင်းအစိုးရဟာ ခရီးသွားဖို့ အားပေးချီးမြှင့်တဲ့အနေနဲ့ ဒီဇင်ဘာ ၂၈ ရက်နေ့ကနေ ဇန်နဝါရီ ၁ ရက်နေ့အထိ အစိုးရ ရုံးပိတ်ရက် ငါးရက်အဖြစ် သတ်မှတ်ကြောင်း ကြေညာထားပါတယ်။

နှစ်သစ်ကူးကာလအတွင်း လေယာဉ်ခနှုန်းထားမြင့်တက်မှာ စိုးရိမ်မှုတွေအတွက် ချင်းမိုင်၊ ချင်းရိုင်၊ ကရာဘီ၊ ဖူးခက်၊ ဆာမွိုင်၊ ဥဒါန်းဌာနီ၊ ဥူဘွန်ရတ်ချာဌာနီနဲ့ ခုန်ခီယန်တို့အပါအဝင် ကမ္ဘာလှည့်ခရီးသွားတွေ စိတ်ဝင်စားတဲ့နေရာတွေအ တွက် လေယာဉ်ခ ၃၀% လျှော့ချရေး လေကြောင်းလိုင်း ၆ ခုနဲ့ အစိုးရ ပူးပေါင်းဆောင်ရွက်နေပါတယ်။

Ref: Southeast Asia's second largest economy expects to earn $1.8B New Year tourism revenues

#centralnewsnaypyitaw