နှင်းပြိုကျမှုကြောင့် ဆွစ်ဇာလန် နှင်းလျှောစီးမယ်ဟီဒီဂါ သေဆုံး
...................
ဒီဇင်ဘာ ၂၃ ရက်နေ့က ဖြစ်ပွားခဲ့တဲ့ နှင်းပြိုကျမှုကြောင့် အသက် ၂၆ နှစ်အရွယ် ဆွစ်ဇာလန်အိုလံပစ် နှင်းလျှောစီးမယ် ဆိုဖီဟီဒီဂါ သေဆုံးခဲ့ရတယ်လို့ ဒီဇင်ဘာ ၂၄ ရက်က ကြေညာခဲ့ပါတယ်။ ဆွစ်ဇာလန် နှင်းလျှောစီးလက်ရွေးစင် ကစားသမားတစ်ယောက်ဖြစ်တဲ့ ဟီဒီဂါ ဟာ Arosa Mountain Resort မှာဖြစ်ပွားခဲ့တဲ့ မတော်တဆ နှင်းပြိုကျမှုမှာ ပါဝင်သွားခဲ့တာဖြစ်ပါတယ်။ ဆိုဖီ မိသားစုရဲ့ ခက်ခဲနေတဲ့အချိန်မှာ မိမိတို့အနေနဲ့လည်း ပြောစရာစကားမရှိလောက်အောင် ဝမ်းနည်း ခံစား ရပါတယ်လို့ ဆွစ်ဇာလန်နှင်းလျှောစီး အဖွဲ့ချုပ် အကြီးအကဲရဲ့ ထုတ်ပြန်ချက်မှာရေးသားထားပါတယ်။ ခရစ္စမတ်ကာလကြီးမှာ အခုလိုမျိုး ဟီဒီဂါသေဆုံးရမှုက ကြေကွဲစရာကောင်းလွန်းပါတယ်လို့လည်း ရေးထားပါတယ်။ ဟီဒီဂါဟာ ဆွစ်ဇာလန်ကိုယ်စားပြုပြီး ၂၀၂၂ ဆောင်းရာသီ အိုလံပစ် ပြိုင်ပွဲမှာ ပါဝင်ယှဉ်ပြိုင်ခဲ့ဖူးသလို ၂၀၂၃-၂၄ နှင်းလျှောစီးရာသီမှာလည်း ရလဒ်ကောင်းတွေရယူထား နိုင်ခဲ့သူဖြစ်ပါတယ်။
