ကျွန်တော်တို့ရဲ့ တစ်နှစ်တာမှာဆိုရင် ပျော်ပွဲရွှင်ပွဲတွေ၊ အထိမ်းအမှတ်ပွဲတွေ လစဉ်လတိုင်း ရှိတတ်ကြပါတယ်ခင်ဗျာ။🎉
ဒီပွဲတွေထဲကမှ Christian ဘာသာဝင်များအတွက် အင်မတန်မှ အရေးပါတဲ့ အထိမ်းအမှတ်ပွဲကတော့ Christmas ပွဲတော်ပဲ ဖြစ်ပါတယ်ခင်ဗျာ။🎄
ဒီတော့ ကျွန်တော်က ဒီနေ့မှာ "Invincible Glory"ပရိတ်သတ်ကြီးတို့ကို Christmas ပွဲ‌တော်လေးအကြောင်း ဗဟုသုတအနေနဲ့ မျှဝေပေးသွားမှာပဲ ဖြစ်ပါတယ်ခင်ဗျာ။🙆🏻‍♂️
Christmas ပွဲတော်နေ့ ဟာဆိုရင် Christian ဘာသာဝင်‌တွေရဲ့ ယေရှုခရစ်တော် ဖွားမြင်တဲ့ နေ့ကို အထိမ်းအမှတ်ပြုတဲ့ နေ့ထူးနေ့မြတ်တစ်နေ့ ဖြစ်ပါတယ်။ ယ‌နေ့ခေတ်မှာတော့ Christmas ပွဲတော်ကို နှစ်စဉ် ဒီဇင်ဘာလ ၂၅ ရက်နေ့တွင် ကျင်းပပြုလုပ်‌လေ့ ရှိကြပါတယ်။ Christmas ပွဲတော်ကျင်းပတဲ့ရက်နဲ့ ပတ်သက်ပြီးတော့ ခရစ်တော် ကွယ်လွန်ပြီးနောက် နှစ်ပေါင်း ၃၀၀ အတွင်း Christian တို့အချင်းချင်း သဘောထား ကွဲလွဲမှုများ ရှိခဲ့ကြပါတယ်။
ရှေးဦးစွာအနေနဲ့ Christmas ပွဲတော်ကို မေလမှာ ကျင်းပပြုလုပ်ခဲ့ကြပါတယ်။ အဲ့ဒီနောက်မှာ ဧပြီလတွင် ကျင်းပခဲ့ပြန်ပါတယ်။ ထိုမှတဖန် ဇန်နဝါရီလမှာလည်း ကျင်းပခဲ့သေးတယ်။ အေဒီ ၃၀၀ ပြည့်နှစ်ကျမှသာ ဒီဇင်ဘာလ ၂၅ ရက်နေ့ကို ပွဲတော်နေ့အဖြစ် အတည်တကျ သတ်မှတ်ခဲ့ကြတာပဲဖြစ်ပါတယ်။ အဲ့ဒီအချိန်မှစပြီးတော့ Christmas ပွဲတော်ကို ဒီဇင်ဘာလမှာ စတင် ကျင်းပလာခဲ့ကြပါ‌တော့တယ်ခင်ဗျာ။👏🏻
Christmas ပွဲတော်ဟာ Christian များရဲ့ အထွတ်အမြတ်အထားဆုံး ပွဲတော်တစ်ခုဖြစ်ပါတယ်။Christian နိုင်ငံ အသီးသီးမှာဆိုရင် Christmas ပွဲတော်ကို ကျင်းပတဲ့အခါမှာ မိမိတို့နိုင်ငံ၊ မိမိတို့လူမျိုးနဲ့ဆိုင်‌တဲ့ ဓလေ့ထုံးစံများအတိုင်း ကျင်းပခဲ့ကြပါတယ်။ ပွဲတော်နေ့တွင် ယောက်ျား၊ မိန်းမ၊ လူကြီးလူငယ်မရွေး မိမိတို့ရဲ့ လုပ်ငန်းများကို ရပ်ပြီး‌တော့ ပျော်ပွဲရွှင်ပွဲ၊ စားသောက်ပွဲများကို တခမ်းတနား ကျင်းပပြုလုပ်ကြပါတယ်။ Christian နိုင်ငံတိုင်းလိုလိုပင် Christmas သီချင်းများကို ပျော်‌ပျော်ပါးပါး သီဆိုလေ့ရှိကြပါတယ်။ ပွဲတော်မှာ အရေးပါတဲ့ ခရစ္စမတ်သစ်ပင်ကိုလည်း အလှဆင်မီးများနဲ့ လှပစွာ အဆန်းတကြယ် တန်ဆာဆင်လေ့လည်းရှိကြပါတယ်။🎄
Christmas ပွဲတော်နေ့တွင် Christian လူမျိုးများဟာ မိမိတို့ခင်မင်သော မိတ်ဆွေများ၊ ဆွေမျိုးများဆီကို လက်ဆောင်များ ပေးပို့တဲ့အလေ့အထလည်းရှိပါသေးတယ်ခင်ဗျာ။ ဒီလိုအလေ့အထဟာဆိုရင် ရှေးရောမခေတ်က‌နေ အစပျိုးခဲ့တဲ့ အလေ့အထတစ်ခုဖြစ်ပါတယ်။🎁
Christian ကလေးများဟာ ပွဲတော်အခါတွင် သူတို့ကို Santa Claus က လက်ဆောင်ပစ္စည်းများ လာရောက်ပေးကြတယ်ဆိုပြီး ယုံကြည်ကြပါတယ်။ Santa Claus ဆိုတာကတော့ကက်သလစ် Christian ဘုန်းကြီးတစ်ဦးဖြစ်သူ Saint Nicholas ပဲဖြစ်ပါတယ်။ 🎅🏻
ဗြိတိန်နဲ့ အမေရိကန်ပြည်ထောင်စုတွင်ရှိသော ကလေးငယ်များဟာ Christmas အကြိုညတွင် Santa Claus လာပြီး လက်ဆောင်ထည့်နိုင်ဖို့အတွက် ခြေအိတ်ရှည်များကို အလွတ်ချိတ်ဆွဲထားလေ့လည်းရှိကြပါတယ်။ ပြင်သစ်နိုင်ငံတွင်လည်း ကလေးငယ်များဟာ လက်ဆောင်များကို ခံယူဖို့အတွက် သစ်သားဖိနပ်များကို မီးဖိုပေါ်တွင် တင်ထားလေ့ရှိကြပါတယ်။ နော်ဝေးနိုင်ငံမှာ‌တော့ ကလေးသူငယ်များဟာ လက်ဆောင်၊ ကစားစရာများကို အိမ်တွင်းအိမ်ပြင်များတွင် တပျော်တပါး လိုက်လံရှာဖွေ တတ်ကြပါသေးတယ်ခင်ဗျာ။ 🫶🏻
ဒီလောက်ဆိုရင်တော့ "Invincible Glory" ပရိတ်သတ်ကြီးတို့လည်း Christmas နေ့ရဲ့ ဖြစ်ပေါ်လာပုံတွေ၊ ပွဲတော် ကျင်းပကြပုံနဲ့ Christian လူမျိုးတွေရဲ့ ဓလေ့ထုံးတမ်းများကို သိရှိသွားလိမ့်မယ်လို့ မျှော်လင့်ပါတယ်ခင်ဗျာ။🙆🏻‍♂️
Credit