၂၀၂၄ က ငွေကြေးဖောင်းပွမှု၊ ရွေးကောက်ပွဲများနှင့် စစ်ပွဲများမှလွှမ်းမိုး

ဝါရှင်တန်၊ ဒီဇင်ဘာ ၂၄

၂၀၂၄ ခုနှစ်ကို ငွေကြေးဖောင်းပွမှု၊ ရွေးကောက်ပွဲများနှင့် စ-စ်ပွဲများက လွှမ်းမိုးထားကြောင်း ရိုက်တာမှ ဖော်ပြခဲ့သည်။

အမေရိကန်တွင် ငွေကြေးဖောင်းပွမှုများကြောင့် သမ္မတဟောင်း ဒေါ်နယ်ထရမ့် (Donald Trump) ကို ဒုတိယ သက်တမ်း အနိုင်ရစေရန် အထောက်အကူ ဖြစ်စေခဲ့သည်။

ထို့အတူ ဗြိတိန်၊ ဘော့ဆွာနာ၊ ပေါ်တူဂီနှင့် ပနားမား နိုင်ငံများတွင်လည်း ရွေးကောက်ပွဲများနှင့် အစိုးရအဖွဲ့သစ် များသည် ငွေကြေးဖောင်းပွမှု ပြဿနာများနှင့် ရင်ဆိုင်ခဲ့ရသည်။

ထို့ပြင် ပြင်သစ်၊ ဂျာမနီ၊ ဂျပန်နှင့် အိန္ဒိယ နိုင်ငံများတွင်လည်း ရွေးကောက်ပွဲများ ပြုလုပ်ခဲ့သည်။

ရုရှားနိုင်ငံတွင်လည်း ဗလာဒီမာပူတင် (Vladimir Putin) သည် မဲရလဒ် ၈၈ ရာခိုင်နှုန်းနှင့်အတူ သမ္မတအဖြစ် နောက်တစ်ကြိမ် ရွေးကောက်ခံခဲ့ရသည်။

ထို့ပြင် ရုရှားနှင့် ယူကရိန်းစစ်ပွဲလည်း ဆက်လက် ဖြစ်ပွားခဲ့ပြီး ရုရှားတပ်ဖွဲ့များက ယူကရိန်း၏ နယ်မြေများကို အသာစီးရမှုများရှိခဲ့သည်။

အရှေ့အလယ်ပိုင်းတွင်လည်း အစ္စရေးနှင့် ဂါဇာစ-စ်ပွဲ ဆက်လက် ဖြစ်ပွားနေကာ ထိုစ-စ်ပွဲသည် လက်ဘနွန်နိုင်ငံ အထိ ပျံ့နှံ့သွားခဲ့သည်။

ဆီးရီးယားနိုင်ငံတွင်မူ သူပုန်များက အာဆတ်အစိုးရကို ဖြုတ်ချခဲ့သည်။

ကမ္ဘာတစ်ဝန်းက စီးပွားရေး လုပ်ငန်းများနှင့် ကုမ္ပဏီများသည် AI နည်းပညာကို မည်ကဲ့သို့ ပြောင်းလဲ အသုံးပြုရ မည်ဆိုသည့် နည်းလမ်းများကို ရှာဖွေလာခဲ့ကြသည်။

Source: ရိုက်တာ

ပုံ - အမျိုးသမီး ၂ ဦး ဈေးဝယ်ရန် ကြည့်နေကြစဉ်

#သတင်းဟင်းလေးအိုးကြီး