Part-1
ဒီမိုကရေစီ ဟူသည် (၂)
ဒီမိုကရေစီ၊ ဒီမိုကရေစီ...ဟူ၍ လူတွေ ပြောကြသည့်အခါ ၎င်းတို့အသီးသီး၏ ခေါင်းထဲမှာ တိတိကျကျဖြစ်စေ၊ ဝိုးတဝါးဖြစ်စေ တစ်စုံတစ်ရာကို ရည်ရွယ်မှန်းဆ၍ ပြောကြခြင်း ဖြစ်သည်။
ဒီမိုကရေစီဆိုတာ ဘာလဲ တစ်ခွန်းတည်း မြန်မြန် ဖြေစမ်းပါဟုဆိုလျှင်
• လူထုအုပ်စိုးမှု
• ပြည်သူ့ကိုယ်စားလှယ်များ အုပ်စိုးမှု
• လူများစု အုပ်စိုးမှု
• နိုင်ငံရေးတွင် ပြည်သူအများဆုံး ပါဝင်နိုင်မှု
• နိုင်ငံရေး ရာထူးရလိုသူ၊ နိုင်ငံရေး တာဝန်ထမ်းဆောင်လိုသူ ပြိုင်ပွဲဝင် ယှဉ်ပြိုင်ကြ၍ ပြည်သူတို့က ၎င်းတို့အနက်မှ နှစ်သက်ရာကို ရွေးချယ်မှု
• ပါတီစုံစနစ် တည်ရှိမှု
• နိုင်ငံရေး၊ စီးပွားရေး၊ လူမှုရေးတို့ဆိုင်ရာ အတွေးအခေါ်စုံတို့ ယှဉ်ပြိုင် တည်ရှိမှု
• နိုင်ငံသားတိုင်း တန်းတူညီမျှ အခွင့်အရေးရှိမှု
• နိုင်ငံရေး လွတ်လပ်ခွင့်နှင့် အခြားသော အခြေခံ လွတ်လပ်ခွင့်များ ခံစားနိုင်မှု
• လွတ်လပ်ပွင့်လင်းသော လူ့အဖွဲ့အစည်း တည်ရှိမှု ရပ်ရွာအခြေပြု လူမှုအဖွဲ့အစည်းများ ရှင်သန်မှု လွတ်လပ်သော ဈေးကွက်စီးပွားရေးစနစ် တည်ရှိမှု
• အများပြည်သူ သာယာဝပြော၍ စိတ်ချမ်းသာ ပျော်ရွှင်မှု စသဖြင့် မိမိ သန်ရာ သန်ရာ သို့မဟုတ် အာရုံစွဲလမ်းရာ အချက်ကို ကောက်၍ ပြောကြလိမ့်မည်။ အဲဒါတွေ မဟုတ် ဘူးလားဆိုတော့ ဟုတ်ပါသည်။ သို့ဖြစ်လျှင် အဖြေတွေ ဘာကြောင့် အမျိုးမျိုး အပြားပြား ဖြစ်နေရသလဲ။ ဖြေသူတွေက ဒီမိုကရေစီ၏ သွင်ပြင်လက္ခဏာများထဲက တစ်ခုစီကို ရွေးချယ် ပြောဆိုနေကြခြင်းကြောင့် ဖြစ်သည်။
#ဆက်ရန်ရှိ
