ထရမ့်တားချင်တဲ့_မွေးရာပါနိုင်ငံသားဖြစ်ခွင့်
-----------------------------------------------------------------
ဒေါ်နယ်ထရမ့်နဲ့အဖွဲ့ဟာ သူတို့ ကာလရှည်ကြာ ကတိပြုထားတဲ့ အမေရိကန်မှာ မွေးသမျှကလေး နိုင်ငံသားဖြစ်ခွင့်ကို အဆုံးသတ်နိုင်အောင် လုပ်ရမယ့်ရွေးစရာတွေ အကဲဖြတ်နေတယ်လို့ ဆိုတယ်။ ထရမ့်ဟာ ဖွဲ့စည်းပုံအခြေခံဥပဒေ ၁၄ ကြိမ်မြောက် ပြင်ဆင်ချက်နဲ့ ကာကွယ်ထားတဲ့ မွေးရာပါနိုင်ငံသားဖြစ်ခွင့်ကို နှစ်ပေါင်းများစွာ ပြစ်တင်ရှုတ်ချခဲ့တယ်။ ဒါကို တားမြစ်ဖို့ အမှုဆောင် အမိန့် သုံးကောင်းသုံးမယ်လို့ ပြောခဲ့ဖူးတယ်။
သူ့မဟာမိတ်တွေဟာ အထောက်အထားမဲ့မိဘတွေနဲ့ ကလေးတွေကို နိုင်ငံကူးလက်မှတ်ထုတ်မပေးဖို့ နိုင်ငံခြားရေးဌာနကို ညွှန်ကြားတာနဲ့ birth tourism ကို နှိမ်နင်းဖို့ ဗီဇာလိုအပ်ချက် တင်းကျပ်ဖို့ အပါအဝင် ဗျူဟာတွေကို ကြံဆနေတယ်။ birth tourism ဆိုတာ ကိုယ်ဝန်နဲ့ အမေရိကန်ကိုလာရင်း အမေရိကန်မှာ ကလေးမွေးခြင်းနဲ့ သားသမီးကို အမေရိကန်နိုင်ငံသားဖြစ်ခွင့်ရဖို့ ကြံစည်တာကို ဆိုလိုတာ။
ဒါပေမယ့် ဘယ်လိုပဲလုပ်လုပ် တရားဥပဒေအရ စိန်ခေါ်ခံရနိုင်ဖွယ်ရှိပြီး နောက်ဆုံးမှာ တရားရုံးချုပ်ဆီ အဆုံးအဖြတ်ခံဖို့ ရောက်သွားနိုင်တယ်။
ခြေဥ ၁၄ ကြိမ်မြောက် ပြင်ဆင်ချက်ဟာ အဓိပ္ပာယ်လွဲမှားပြီး အထောက်အထားမဲ့ မိဘတွေ အမေရိကန်မှာ မွေးတဲ့ ကလေးတွေနဲ့ မဆိုင်ဘူးလို့ ထရမ့်ဘက်တော်သားတွေက ပြောကြတယ်။
အမေရိကန်မှာ ပတ်စ်ပို့မရှိတဲ့ မိဘတွေနဲ့အတူနေထိုင်တဲ့ အမေရိကန်မှာမွေးတဲ့ ၁၈ နှစ်အောက်ကလေး ၄.၄ သန်းလောက် ရှိတယ်။
အမေရိကန် အိမ်နီးချင်း ကနေဒါ၊ မက္ကဆီကိုနဲ့ တောင်အမေရိက နိုင်ငံအများစု အပါအဝင် နိုင်ငံသုံးဒါဇင်လောက်ဟာ သူတို့မြေမှာ မွေးတဲ့သူမှန်သမျှ အလိုအလျောက် နိုင်ငံသားဖြစ်ခွင့် ပေးထားတယ်။
နှစ်ရှည်လများ တရားရုံးချုပ် စီရင်ထုံးတွေကလည်း ထရမ့်အစိုးရအတွက် အဓိက အတားအဆီးတစ်ခု။ ၁၈၉၈ ခုနှစ် စီရင်ချက်တစ်ခုမှာ မိဘတွေနိုင်ငံသားမဟုတ်ဘဲ အမေရိကန်မြေမှာ မွေးတဲ့သူတွေရဲ့ လျှောက်ထားချက်ကို ထောက်ခံခဲ့တယ်။ ၁၉၈၂ ခုနှစ် အမှုတွဲတစ်ခုမှာလည်း ခြေဥပြင်ဆင်ချက်ဟာ အထောက်အထားမဲ့ ရွှေ့ပြောင်းတွေက မွေးလာတဲ့ ကလေးတွေနဲ့လည်း ဆိုင်တယ်လို့ ရှင်းထားတယ်။
ဒီမိုကရက်တစ် ပြည်နယ်ရှေ့နေချုပ်တွေကလည်း တိုက်ပွဲဝင်ဖို့ အသင့်။ ဥပမာ- နယူးဂျာစီ ပြည်နယ်ရှေ့နေချုပ် မက်သယူး ပလက်ကင်ဆိုရင် သူ့ဇနီးက ဖီလာဒဲဖီးယားမှာ တရုတ်ရွှေ့ပြောင်းမိဘတွေက မွေးခဲ့တာ။ ထရမ့်လုပ်ချင်တာသာ ဖြစ်သွားရင် သူ့ဇနီးလို လူတွေအပေါ် ဘယ်လိုသက်ရောက်နိုင်မလဲ မေးခွန်းထုတ်တယ်။
ကယ်လီဖိုးနီးယားပြည်နယ်ရှေ့နေချုပ် ရော့ဘ် ဘွန်တာက ထရမ့်ရဲ့ မူဝါဒဟာ သာမန်ထက် ပိုလွန်တဲ့ အစွန်းရောက်အငြင်းပွားမှုမျိုးဆိုရင် ဖြစ်လာမှာမဟုတ်ဘူး ဆိုတယ်။ အမေရိကန်နိုင်ငံသားတွေကို ပြည်နှင်ဒဏ်ပေးဖို့ ကြိုးပမ်းခဲ့မယ်ဆိုရင် ကျွန်တော်တို့က ထရမ့်ကို တရားရုံးမှာ သေချာပေါက် တရားစွဲမှာပါ ဆိုတယ်။
ထရမ့်ကို ဆန့်ကျင်တဲ့သူတွေအပြောကတော့-
“၁၄ ကြိမ်မြောက် ပြင်ဆင်ချက်နဲ့ အဓိပ္ပာယ်ဖွင့်ဆိုချက်ဟာ နိုင်ငံတစ်နိုင်ငံရဲ့ သမိုင်းကြောင်းကနေ ထွက်ပေါ်လာပြီး နိုင်ငံကို လူဦးရေထူထပ်စေဖို့နဲ့ လူတွေ လာရောက်အခြေချနေထိုင်ဖို့ပဲ ဖြစ်တယ်၊ ဒီနိုင်ငံမှာ မွေးဖွားသူတွေကို နိုင်ငံသားဖြစ်ခွင့်ပေးဖို့ လိုကို လိုအပ်တယ်”
Credit