"ဖိလစ်ပိုင် ဒုသမ္မတကို အကျင့်ပျက်လာဘ်စားမှုများဖြင့် လွှတ်တော်အတွင်း စွပ်စွဲပြစ်တင်ရန် ထပ်မံကြိုးပမ်း"

ဖိလစ်ပိုင်နိုင်ငံရှိ ကက်သလစ် ဘာသာဝင်များ၏ ဘာသာရေးခေါင်းဆောင်များသည် ဖိလစ်ပိုင်ဒုတိယ သမ္မတ ဖြစ်သော ဆာရာဒူတာတေးကို စွပ်စွဲပြစ်တင်ရန် ထပ်မံတောင်းဆိုလိုက်ကြောင်းသိရသည်။ ဖိလစ်ပိုင်ဒုတိယသမ္မတဖြစ်သော ဆာရာဒူတာတေးသည် ဖိလစ်ပိုင်သမ္မတ ဖာဒီနန်မားကိုစ့်ဂျူနီယာနှင့်အငြင်းပွားမှုများဖြစ်လာခဲ့ပြီးနောက် ရာထူးမှဖြုတ်ချရေးအတွက် စွပ်စွဲပြစ်တင်မှုများလုပ်ဆောင်ရန် ဖိအားများနှင့် ရင်ဆိုင်နေရကြောင်းသိရသည်။

ကက်သလစ်ဘာသာဝင်များ၏ ခေါင်းဆောင်များသည် ဆာရာဒူတာတေးနှင့်ပတ်သက်ပြီး တိုင်တန်းချက်များ သည် ၎င်းကိုစွပ်စွဲပြစ်တင်ရန် တတိယအကြိမ်မြောက် ကြိုးပမ်းမှုဖြစ်ခဲ့ကြောင်း သိရသည်။ ဆာရာဒူတာတေးသည် ဖိလစ်ပိုင်သမ္မတကို လုပ်ကြံ ရန်ပြောဆိုခဲ့သည်ဟု ပြီးခဲ့သောလအတွင်း သတင်းများထွက်ပေါ်ခဲ့သော်လည်း နောက်ပိုင်း တွင် စွပ်စွဲချက်များကို ငြင်းဆန်ခဲ့ကြောင်းသိရသည်။ ဆာရာဒူတာတေးနှင့် ဖိလစ်ပိုင်သမ္မတတို့သည် ယခင်က မဟာမိတ်များဖြစ်ခဲ့သော်လည်း လာမည့်နှစ်တွင် ကျင်းပမည့် ကြားဖြတ်ရွေးကောက်ပွဲ မတိုင်ခင် ၎င်းတို့နှစ်ဦးကြား သဘောထားအမြင်ကွဲလွဲမှုများမြင့်တက်လာကာ လူသိရှင်ကြားအပြန်အလှန် ပြစ်တင်ဝေဖန်လာခဲ့ကြောင်းသိရသည်။

ဖိလစ်ပိုင်နိုင်ငံ မနီလာမြို့အခြေစိုက် ကက်သလစ်ဘာသာဝင်များ၏ဘာသာရေးခေါင်းဆောင် များက ဆာရာဒူတာတေးသည် ပညာရေးဝန်ကြီးအဖြစ်တာဝန်ယူချိန်အတွင်း အမေရိကန်ဒေါ်လာသန်း ချီကို အကျင့်ပျက်လာဘ် စားခဲ့ကြောင်း စွပ်စွဲထားသည်။ ဆာရာဒူတာတေးသည် ဖိလစ်ပိုင်ဒုတိယ သမ္မတတာဝန်အပြင် ပညာရေးဝန်ကြီး တာဝန်ကိုပူးတွဲရယူခဲ့သော်လည်း ဖိလစ်ပိုင်သမ္မတဖာဒီနန်မာကိုစ့် နှင့်အငြင်းပွားမှုများဖြစ်လာခဲ့ပြီးနောက် ဇွန်လတွင် ပညာရေးဝန်ကြီးတာဝန်မှ နုတ်ထွက်ခဲ့ကြောင်းသိရ သည်။

NP