ကမ္ဘာကျော် အမေဇုန်မြစ်အကြောင်း သိကောင်းစရာ။
အမေဇုန်မြစ်ဟာ တောင်အမေရိကတိုက်မှာ တည်ရှိပါတယ်။
ဘရာဇီးလ်နိုင်ငံမှ စတင်ပြီး နိုင်ငံပေါင်းများစွာကို ဖြတ်သန်းကာ အတ္တလန္တိတ်သမုဒ္ဒရာထဲသို့ စီးဝင်သွားပါတယ်။
ဂါရာနာ၊ အီကွေဒေါ၊ ဗင်နီဇွဲလား၊ ဘိုလီးဗီးယား၊ ဘရာဇီး၊ ကိုလံဘီယာ နဲ့ ပီရူး နိုင်ငံတွေကို ဖြတ်သန်းစီးဆင်းပါတယ်။
၂၀၀၇ ခုနှစ် ဘရာဇီးသိပ္ပံပညာရှင်တွေရဲ့ တိုင်းတာမှုအရ အမေဇုန်ဟာ နိုင်းမြစ်ထက် ၆၅ မိုင် ပိုရှည်ကြောင်းသိခဲ့ရပါတယ်။
ဒါပေမဲ့ အများစုကတော့ နိုင်းမြစ်သာ အရှည်ဆုံးလို့ လက်ခံနေကြဆဲပါ။
အမေဇုန်မြစ်ဟာ Ucayali - Apurímac မြစ်များမှ မြစ်ဖျားခံလာတဲ့မြစ် ဖြစ်ပါတယ်။
စွတ်စိုတဲ့ရာသီတွေမှာ အမေဇုန်မြစ်ရဲ့ အကျယ်ဆုံးနေရာဟာ မိုင်ပေါင်း ၁၂၀ ခန့် ရှိနိုင်ပါတယ်။
အမေဇုန်မြစ်ကို ဖြတ်ပြီးဖောက်ထားတဲ့ တံတား မရှိပါဘူး။
အကြောင်းကတော့ အမေဇုန်မြစ်ပိုင်း အများစုဟာ လမ်းတွေ၊ မြို့တွေနဲ့ မနီးစပ်ပဲ မိုးသစ်တောတွေထဲမှာပဲ ရှိနေလို့ဖြစ်ပါတယ်။
အမေဇုန်မြစ်ကြောင်းတလျှောက် အကြီးဆုံးမြို့ဟာ ဘရာဇီးက Manaus မြို့ဖြစ်ပြီး လူဦးရေ ၁.၇ သန်းကျော် ရှိပါတယ်။
ကွဲပြားခြားနားတဲ့ တိရစ္ဆာန် မျိုးစိတ်ပေါင်း ၅၀၀၀ ကျော်ဟာ အမေဇုန်မြစ်ထဲမှာ ရှင်သန်နေပါတယ်။
ဆိတ်လို တိရစ္ဆာန်လေးတွေကို အကောင်လိုက်မြိုနိုင်တဲ့ ကမ္ဘာ့အကြီးဆုံးမြွေအမျိုးအစား အန်နာကွန်ဒါမြွေကြီးတွေဟာလည်း ဒီမြစ်ထဲမှာပဲ တွေ့ရလေ့ရှိပါတယ်။
ပန်းရောင်လင်းပိုင်တွေလည်း ဒီ အမေဇုန်မြစ်ထဲမှာ တွေ့ရတတ်ပါတယ်။
ကမ္ဘာပေါ်က စုစုပေါင်း ရေချိုရဲ့ ၂၀ ရာခိုင်နှုန်းကို အမေဇုန်မြစ်က ထောက်ပံ့ပေးထားတာပဲ ဖြစ်ပါတယ်။
ကမ္ဘာ့ရေထုထည်အများဆုံးမြစ်ဖြစ်ပြီး စက္ကန့်တိုင်းတွင် ရေကုဗမီတာ ၂ သိန်းကျော်ကို ထုတ်လွှတ်ပေးပါတယ်။
ကမ္ဘာက "အမေဇုန်" လို့ သိထားသော်လည်း ဘရာဇီးတွင် Solimões လို့ လူသိများပါတယ်တဲ့။
Credit
