စပါးအသင်း ဆုဖလား ၁ လုံးရယူနိုင်ရန် လီဗာပူးနည်းပြ မျှော်လင့်
စပါးအသင်းဟာ အခုနှစ်ရာသီမှာ ဆုဖလားတလုံးရယူနိုင်မယ်လို့ လီဗာပူးနည်းပြ အာနဲစလော့က မျှော်လင့်နေပါတယ်။
တနင်္ဂနွေနေ့မှာကစားမယ့် ပရီးမီးယားလိဂ်ပွဲစဉ်မတိုင်ခင်သတင်းစာရှင်းလင်းပွဲမှာ စပါးအသင်းကို အားပေးသူဖြစ်ကြောင်း နည်းပြစလော့က ဝန်ခံခဲ့ပြီး နည်းပြပို့စ်တီကိုဂလူကိုလည်း ချီးကျူးစကား ဆိုခဲ့တာပါ။
ဒေးဗစ်ဂျီနိုလာ၊ ဂစ်ကွိုင်နီအပါအဝင် မိုဒရစ်၊ ဂါရတ်ဘေးလ်နဲ့ ဗန်ဒါဗတ်တို့ခေတ်တွေမှာ စပါးအသင်းကို စောင့်ကြည့်ဖြစ်ခဲ့ပြီး စပါးအသင်းမှာ ကိုယ်ပိုင်ဘောလုံးအမှတ်အသားနဲ့ စရိုက်လက္ခဏာရှိတယ်လို့ နည်းပြစလော့က ချီးကျူးပါတယ်။
နည်းပြပို့စ်တီကိုဂလူဟာလည်း စပါးအသင်းကို အဲဒီလိုကိုယ်ပိုင်အမှတ်အသားရှိတဲ့အသင်းအဖြစ် ဖော်ဆောင်ထားနိုင်ပြီး ဆုဖလားတလုံးရယူနိုင်ဖို့ မျှော်လင့်ကြောင်း နည်းပြစလော့က ပြောပါတယ်။
လီဗာပူးနဲ့ စပါးအသင်းတို့ဟာ EFL လိဂ် ဖလားဆီမီးဖိုင်နယ်မှာလည်း ထိပ်တိုက်တွေ့ဆုံနေ ပါတယ်။
DVB
Photo: Reuters
