စျေးကွက်အတွင်းရှိ စားအုန်းဆီအရောင်းဆိုင်များကို ပူးပေါင်းအဖွဲ့က ရှောင်တခင်စစ်ဆေးမှုများ ပြုလုပ်နေ
စျေးကွက်အတွင်း ရောင်းချနေသည့် စားအုန်းဆီအရောင်းဆိုင်များကို သက်ဆိုင်ရာမှ ပူးပေါင်းအဖွဲ့များဖြင့် ရှောင်တခင် စစ်ဆေးမှုများ လုပ်ဆောင်နေကြောင်း သိရသည်။
တိုင်းဒေသကြီးနှင့် ပြည်နယ်အစိုးရအဖွဲ့များရှိ ကုန်ဈေးနှုန်းတည်ငြိမ်ရေးလုပ်ငန်းအဖွဲ့များ၊ အထွေထွေအုပ်ချုပ်ရေးဦးစီးဌာနဝန်ထမ်းများ၊ စည်ပင်သာယာ၊ စားသုံးသူရေးရာ အပါအဝင် ဆက်နွယ်နေသော သက်ဆိုင်ရာ ဌာနအသီးသီးမှပါဝင်သော ပူးပေါင်းအဖွဲ့ဖြင့် ဆောင်ရွက်နေခြင်း ဖြစ်သည်ဟု သိရသည်။
ယခုတပတ်အတွက် ထုတ်ပြန်ထားသည့် ရန်ကုန်အထိုင် စားအုန်းဆီ အခြေခံလက်ကား ရည်ညွှန်းဈေးမှာ ဒီဇင်ဘာလ (၂ ၂) ရက်အထိ ရက်သတ္တပတ်ကာလအတွင်း တစ်ပိဿာ (၇၂ ၅၀) ကျပ် သတ်မှတ်ထားပြီး လက်လီ၊ လက်ကားစျေးကွက်များအတွင်း ရောင်းချနေသော စားအုန်းဆီများကို သယ်ယူစရိတ်နှင့် အကျိုးအမြတ်ကို (၂) ရာခိုင်နှုန်းထက် မပိုစေဘဲ ဖြန်ဖြူးရောင်းချရန် ညွန်ကြားထားကြောင်းလည်း သိရသ ည်။
